Թուրքիայի ներկայացուցիչները բուռն են արձագանքել հայազգի արվեստագետի աշխատանքներին

Օրերս Բուլղարիայի Գաբրովո քաղաքում տեղի ունեցավ գյումրեցի արվեստագետ-զարդագործ Արտակ Թադեւոսյանի ցուցահանդեսը տեղի «Արվեստների եւ արհեստների էթնիկ փառատոն»-ի շրջանակներում:

Ուշագրավն այն էր, որ էթնիկ տարբեր պատկանելության երկրների արվեստագետներ եւ արհեստավորներ ներկայացել էին իրենց հեղինակած աշխատանքներով` մեկտեղելով մշակութային ասելիքն ու դարձնելով փառատոնը մեծ իրադարձություն:

Արտակ Թադեւոսյանի ասելիքը ինքնատիպ էր: Տաղավարի շուրջ խմբված մարդկանց հետաքրքրում էր արվեստագետի գաղափարը` մարդուն կյանքից զրկող փամփուշտից աշխարհաստեղծման օրից մինչ հիմա երկրին կյանք տվող կնոջ համար զարդեր ստեղծելու գաղափարը: Փամփուշտը նրա ձեռքում վերածվում է զարդի, արվեստի արժեք ունեցող էթնիկ ասելիքով մի խորհրդանիշի, որն ուղղված է խաղաղությանն ու համերաշխությանը:

Կից տաղավարներից մեկում Թուրքիայի ներկայացուցիչները բուռն են արձագանքել հայազգի վարպետի մշակութային գաղափարախոսություն պարունակող աշխատանքներին: Այսուամենայինիվ արվեստի լեզուն սահմաններ չի ճանաչում, չնայած էթնիկ արմատներով, էթնոկրի գենետիկ հիշողությունը պահպանելով այն որպես նաեւ լեզվական շերտ, որ միայն տվյալ ազգի ներկայացուցիչը կհասկանա: Արտակը պայքարի փամփուշտները պահում է առանձին` առանձ ձուլելու, առանց փոփոխելու: Այստեղ միայն այն փամփուշտներից գործեր են, որնց առաքելությունը խաղաղությունն էր: Եվ նրանք, ովքեր կրում են Արտակի զարդերը, գիտեն, որ վերածվում են քայլող խաղաղության կոչնակների:

Փառատոնում մեծ հաջողության, իր աշխատանքների հանդեպ մեծ հետաքրքրություն սերմանելու հետ մեկտեղ արվեստագետը փորձել է ներկայացնել նաեւ այսօրվա ցավը` արցախյան գոյապայքարը, որի հիմքում շուրջ 120.000 բնակչության հանդեպ կիրառվող հոգեբանական տեռոր է իրականացվում ադրբեջանցիների կողմից: Արտակը փորձում է բարձրաձայնել իր գործերով հենց այս պարզ ճշմարտությւոնը, որ քանի դեռ չկա խաղաղութուն, պատերազմը շարունակվում է, իսկ եթե դա այդպես է, ուրեմն` պետք է լինել պատրաստ:

Գաբռովո քաղաքի քաղաքապետարանի մշակութային բաժնի առաջարկությամբ` Արտակ Թադեւոսյանը հանդիպելէ նաեւ քաղաքապետին եւ առաջարկել, որպեսզի մշակութային կապերով փոխկապակցված` քույր քաղաքներ լինեն Գյումիրն եւ Գաբրովոն: Համաձայնությունը ստանալով` Արտակը այն փոխանցել է Գյումրու քաղաքապետին: 

Այս թեմայով Ինչպե՞ս առաջ գնալ՝ խուսափելով պատրանքներից և պաշտպանել պառակտվող անկախ պետականությունը․ Զաքարյան Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար Եթե Արցախի կորստից դասեր չքաղենք, կարող ենք կորցնել նաև Հայաստանի պետականությունը. Արտակ Զաքարյան 2023 թվականի սեպտեմբերի 19–20-ը ավարտվեց ոչ միայն պատերազմը, այլ նաև Արցախի հայկական պետականության մի ամբողջ պատմաշրջան Կգտնվի՞ արդյոք գոնե մեկ միջնորդ, որի խոսքը հուսիներն իսկապես պատրաստ են լսել ու հարգել. Արտակ Զաքարյան