Ամերկյան զորավարժությունները ՀՀ-ում սպառնալիք են նաեւ Իրանի համար. Իրանահայ վերլուծաբան

-Ի պատասխան ձեր հարցին պետք է ասեմ, որ կա չգրված օրենք, որ հաղթած կողմը փորձում է ստանալ ամեն ինչ պարտված կողմից եւ այս պահին էլ թուրքիան փորձում է ամեն բան ստանալ Հայաստանից։ Մենք ունենք պարտված իշխանություն, որը նաեւ ապազգային է, ունենք նաեւ անտարբեր ժողովուրդ Հայաստանում, ինչը հնարավորություն է տալիս թուրքիային, որ ստանա ամեն ինչ։ Սա նորություն չէ, քանի որ Թուրքիան երկար տարիներ է սպասել այս պահին, իսկ հիմա շատ հարմար պահ է Սյունիքի համար, որին շատ երկար են սպասել, որ ձեռք բերեն Ադրբեջանի հետ միասին։ Իսկ Իրանը բազում անգամներ հայտարարել է, որ Հայաստան-Իրան սահմանը իրենց կարմիր գիծն է եւ Իրանն այս մասին զգուշացրել է տարբեր մակարդակներով՝ թե Ադրբեջանին եւ թե Թուրքիային։ Հատկապես նրանց վերջին հանդիպմանը, երբ Իրանի ԱԳ նախարարը հանդիպեց Հաքան Վիդանի հետ շատ հստակ այս հարցի մասնի տեղեկացրել են։ Բայց ինչով հղի կդառնա այս ամենը, եթե ռազմական բախման գնան Ադրբեջանն ու Հայաստանը, այս պահին չեմ կարող ասել, թե ինչ կլինի Իրանի դիրքորոշումը, նրանք ուղղակի կմասնակցեն պատերազմին, թե՞ ոչ։

-Ինչպե՞ս կգնահատեք այսօր առկա Ռուսաստան-Իրան եւ Իրան-Հայաստան հարաբերությունները եւ ի՞նչ զարգացումներ եք կանխատեսում առաջիկայում:

-Ռուսաստանի եւ Իրանի շահերը համընկնում են տարածաշրջանում, ինչի արդյունքում ամենաբարձր ձեւով համագործակցում են, բայց հայ-իրանական հարաբերությունների առումով պետք է ասեմ, որ Իրանը մեծ դեր ունի Հայաստանի հանդեպ, ինչպես նաեւ հանդուրժել եւ դեռ շարունակում են ներկայիս իշխաություններին, պահելով այն բարձր մակարդակի վրա։  Ինչ վերաբերում է ամերիկյան զորավարժություններին Հայաստանում, ապա եթե այն մտահոգել է Ռուսաստանին, պետք է ասեմ, որ ավելի շատ մտահոգել է նաեւ Իրանին։ Արդեն իրանական որոշ վերլուծաբաններ խոսում են այդ մասին եւ Հայաստանին մեղադրում են նշելով, որ իրենք ամեն առումով եղել են իրենց կողքին, բայց վերոնշյալ զորավարժությունները սպառնալիք են Իրանի համար։