Թուրքիայի ակտիվությունը չի կարող որեվէ լավ բան խոստանալ. Աբրահամյան

ԱԺ «Պատիվ ունեմ» խմբակցության քարտուղար ՏԻԳՐԱՆ ԱԲՐԱՀԱՄՅԱՆԻ գնահատմամբ` այս պահին Հայաստանի իշխանությունների կողմից դեմարշ անելը ՌԴ-ին կարող է ճակատագրական լինել եւ ծանրագույն հետեւանքներ ունենալ, որովհետեւ Թուրքիան ու Ադրբեջանը իրենց շահերն առաջ տանելու համար աշխատում են ՌԴ-ի հետ, ու այս պարագայում ՌԴ-ի փոխարեն` Թուրքիան է գալիս առաջին պլան:

— Ռուսաստանը մեր տարածաշրջանում գլխավոր դերակատարն է` անկախ նրանից, թե ով ինչ դերակատարում ունի: Այսինքն` կարող են մի շարք խնդիրներ լինել երկկողմ հարաբերություններում, կարող են լինել ակնկալիքներ, որոնք չեն իրացվել տարբեր իրավիճակներում, բայց վերցնել ու թիվ մեկ դերակատարի նկատմամբ նման դեմարշ իրականացնել` կարող է ծանրագույն հետեւանքներ ունենալ: 44-օրյա պատերազմից հետո Թուրքիան փորձում էր մխրճվել ոչ միայն Արցախի եւ Հայաստանի հարցով տարվող բանակցային գործընթացում, այլ որոշակի առավելություն ստանալ Հարավային Կովկասի հիմնական դերակատար Ռուսաստանի նկատմամբ: Թուրքիայի ակտիվությունը չի կարող որեւէ լավ բան խոստանալ բանակցային գործընթացում: Հենց միայն այն, որ Թուրքիան այսօր ըստ էության, Հայաստանի հրավերով այդ բանակցային գործընթացում է եւ փորձում է իր դերը ստանձնել, արդեն իսկ շատ վտանգավոր է:

Այս թեմայով Սա է միլիարդավոր գումարների մսխման և ուժային համակարգը ներքաղաքական հարցերում կենտրոնացնելու դառը հետևանքները. Տիգրան Աբրահամյան «Ժողովուրդ». Ընդհարում Տիգրան Խաչատրյանի, Ժաննա Անդրեասյանի և Սարգիս Հայոցյանի միջև ՆԳ նախարարի մամուլի քարտուղարն անդրադարձել է սոցցանցում տարածվող տեսանյութին Անձամբ եք պատասխան տալու․ ԲԱՄԲԱՍԱՆՔ ՔՊ իշխանությունը պետք է սահմանադրությունը հռչակի որպես խաղաղության դեմ ուղղված սպառնալիք․ Աբրահամյան