Տարիներ անց միայն ցավով ենք հիշելու մեր հարազատին մենակ թողնելու այս ամոթալի ժամանակները. ԱԲԳԱՐ ԱՓԻՆՅԱՆ

«Իրավունքը» զրուցել է Համահայկական գրողների միության նախագահ ԱԲԳԱՐ ԱՓԻՆՅԱՆԻ հետ։

— Որքան էլ այսօր դժվար է խոսել, բայց, այդուհանդերձ, ի՞նչ կարող եք ասել Արցախում ստեղծված իրավիճակի մասին:

— Արցախը մեր սրբությունն է, Արցախն է պաշտպանել Հայաստանի սահմանները 30 տարի շարունակ, եւ հիմա մեր պարտքը հատուցելու ժամանակն է։ Ցավոք, այսօր Հայաստանը հրաժարվել է Արցախից` դա խոստովանում են բոլոր արցախցիները։ Տարիներ անց միայն ցավով ենք հիշելու մեր հարազատին մենակ թողնելու, նրան լքելու այս ամոթալի ժամանակները… Այսօր առաջնահերթ խնդիրն է՝ փրկել Արցախը։ Ժամանակ անց դնելու ենք մեր պատմական հողերի, Սեւրի դաշնագրի, Վիլսոնի իրավարար վճռի, Նախիջեւանի հարցը։ Ցավում եմ, որ պետությունը չի լսում մտավորականի ձայնը, վստահ եմ, որ այս խոսքն էլ արձագանք չի գտնելու։

— Դուք եղել եք Արցախում, գրական հանդիպումներ ունեցել արցախցիների հետ։ Այս օրերին իրենց հետ կապ հաստատե՞լ եք։

— Արցախում շատ բարեկամներ ունենք՝ մեր Անժելա Գաբրիելյանը, մեր Նունեն, Պարույրը, երիտասարդ բանաստեղծ Արմեն Ավոն… Իրենց հետ խոսելիս ամաչում ենք մեր պետության բռնած դիրքի պատճառով։

ՀՐԱՆՏ ՍԱՐԱՖՅԱՆ

Այս թեմայով «Ուժեղ Հայաստան» խմբակցության առաջին համարը, մեղմ ասած, «ուժեղ ձևերով» ձեռքերը լվաց իր իսկ քաղաքական թիմի անդամից․ Պողոսյան Երեվանում նստած՝ չենք պատկերացնում, թե ինչքան հարգված ենք Բելառուսում Բոլոր ազգադավ երևույթները մերժվելու են. Աբգար Ափինյան Զորավար Անդրանիկ նշանակում է՝ դուրս վանենք Հայաստանից բոլոր տեսակի դավաճաններին. Աբգար Ափինյան Այսօր Ս. Աբգար նախավկայի և Քրիստոսին հավատացող մեր անդրանիկ թագավորի հիշատակության օրն է