Երեւանի շտապօգնությունն ավտովթարից տուժածներին թողել է անօգնական

Ինչ է կատարվում Երեւանի շտապօգնությունում` սովորական «բարդակ» է հիշեցնում:

«Իրավունքն» ահազանգ է ստացել այն մասին, որ հոկտեմբերի 14-ին Ջրվեժ-Ձորաղբյուր խաչմերուկում ավտովթար է տեղի ունեցել, եւ երբ զանգահարել են շտապօգնություն, ստացել են տարօրինակ պատասխան: Շտապօգնությունից ասել են, թե տարածքն իրենց անծանոթ է, չեն կարող մոտենալ: Տուժողները մնացել են քաղաքացիների ցուցաբերած առաջին օգնության հույսին, որոնք էլ տեղափոխել են նրանց հիվանդանոց: Դեպքից օրեր անց, երբ կրկին զանգահարել են շտապօգնություն` պարզաբանելու համար, թե ինչով է պայմանավորված նման վարքագիծը, ասել են, թե` պետք է Գառնիի շտապօգնություն զանգեին կամ Աբովյանի:

«Նման լարված վիճակում, մի՞թե չէր կարող շտապօգնությունը ինքը կապ հաստատել եւ կանչ գրանցել, երբ մեքենայում եղել է հղի կին ու մեկ տարեկան երեխա: Ու երբ հարցրեցինք, ստացանք պատասխան, թե` սա մեր գործը չէ, դուք պարտավոր եք իմանալ շտապօգնության տարբեր տեղերի համարները», - վրդովված մեզ հայտնեց քաղաքացին:

ՀՐԱՆՏ ՍԱՐԱՖՅԱՆ

Այս թեմայով ՇՏԱՊ. Խոշոր ավտովթար Շիրակի մարզում․ կա 1 զոհ և 4 վիրավոր Խոշոր ավտովթար է տեղի ունեցել Գեղարքունիքում․ վիրավորներ կան Համայնք, որտեղ բնության հրաշալիքները սփռված են պատմական տաճարի շուրջ ՀՐԱՏԱՊ. Խոշոր ավտովթար՝ Երևանում․ կան վիրավորներ 22 զոհ, 36 վիրավոր. խոշոր ավտովթար է տեղի ունեցել