Ով է կարգադրել Մակիչ Մարգարյանին «ազատվել» Մհեր Մկրտչյանից

Դեռեւս այս տարվա ամռանը քաղաքապետարանը լուծարել էր «Մհեր Մկրտչյան» արտիստական թատրոնի գեղարվեստական ղեկավարի՝ ռեժիսոր, սցենարիստ Մհեր Մկրտչյանի հաստիքը: Հարցը մինչեւ այսօր վիճարկվում է դատական կարգով: Իսկ թե ով է, ի վերջո, կանգնած այս ամենի հետեւում, «Իրավունք»-ը փորձեց պարզել «Մհեր Մկրտչյան» արտիստական թատրոնի տնօրենի Ժ/Պ ՄԱԿԻՉ ՄԱՐԳԱՐՅԱՆԻՑ:

– Պարոն Մարգարյան, Մհեր Մկրտչյանին աշխատանքից ազատվելու մեջ Ձեր «մատը խա՞ռն է»:

– Ոչ... Սխալ խոսակցություններ են իմ հասցեին շրջանառվում: Ինձ համար ցավալի է, որ Ալբերտ Մկրտչյանից հետո այդպիսի բաներ են տեղի ունենում:

– Բայց Մհեր Մկրտչյանն այլ կարծիք ունի…

– Մհերը թող իր սլաքն ուղղի քաղաքապետարանի վրա, բայց քանի որ ուժը չի պատում, գցում է թատրոնի վրա: Ես ո՞նց կարող էի նրա հետ այդպես վարվել: Ի վերջո, նրա հոր` Ալբերտ Մկրտչյանի հետ ես շատ մոտ եմ եղել: Ես ինձ նման բան թույլ չէի տա: Առհասարակ գտնում եմ, որ մարդ պետք է առաջին հերթին մարդ լինի, հետո նոր արվեստագետ:

Մենք կապ հաստատցեցինք նաեւ «Մհեր Մկրտչյան» արտիստական թատրոնի նախկին գեղարվեստական ղեկավար ՄՀԵՐ ՄԿՐՏՉՅԱՆԻ հետ՝ պարզելու տեղի ունեցածի իսկությունը:

-Պարոն Մկրտչյան, «Մհեր Մկրտչյան» արտիստական թատրոնի տնօրենի ԺՊ Մակիչ Մարգարյանը «Իրավունք»-ին տված մեկնաբանությունում ասում է, որ  թատրոնից Ձեր ազատվելու հանգամանքի համար  սլաքներն ուղղեք ոչ թե իրեն, այլ` քաղաքապետարան: Ի՞նչ կասեք այս մասին:

– Պարոն տնօրենի ԺՊ Մ. Մարգարյանը իրավացի է` իմ եւ քաղաքապետ Ավինյանի ադմինիստրատիվ ռեսուրսները նույնը չեն: Բայց զարմանալի է, որ «ուժը պատելու» մասին խոսում է հենց այն մարդը, ով հեշտությամբ օգտագործվում է թատրոնն ինձնից ազատվելու գործընթացում: Հուսամ՝ շուտով կնշանակվի դատական նիստը, նա կներկայանա դատարան եւ կպատմի՝ արդյո՞ք ինքնուրույն որոշումներ է ընդունել: Ով է նրան կարգադրել` քաղաքապետարա՞նը, հաշվապա՞հը, թե՞ ապրած տարիների հիշողությունը, շնորհակալ լինելու սկզբունքները, բարոյականությունը...

ՆՈՒՆԵ ԶԱՔԱՐՅԱՆ

Այս թեմայով Ռուսական դրամատիկական թատրոնը բացեց 89-րդ թատերաշրջանը «Սովորական պատմություն» ներկայացմամբ Քաղաքացուց հափշտակված գումարը պետության եկամուտը չէ. Իրավապաշտպան ՏՈՒԺՈՂԻՆ ՄԵՂԱԴՐԵԼՈՒ ՓՈԽԱՐԵՆ՝ ՔՆՆԵ՛Ք ՀԱՆՑԱԳՈՐԾՈՒԹՅՈՒՆԸ. Իրավապաշտպան Շուտով կիմանաք, ով եմ ես եւ ինչ եմ ինձնից ներկայացնում. Վահագն Մկրտչյան Բեմը լողավազանում, տոմսերը` սառույցի մեջ. ամառվա վերջին շաբաթը թեժ էր