Դասագիրքը ոչ մի առնչություն չունի Հայոց  պատմության հետ, ակնհայտ է՝ այն գրվել է ՀՀ  վարչապետի աթոռը  զբաղեցնողի կեղծ խաղաղասիրական օրակարգից  ելնելով․ Արցախցի պատմաբան

7–րդ դասարանի պատմության դասագրքում տեղ գտած շատ դրույթներ վրդովմունք են առաջացրել հայ հասարակության և մասնագետների մոտ։ Փորձագիտական խումբը ներկայացրել էր բազմաթիվ առաջարկներ, որոնց 90%-ը ներառվել է դասագրքում, բայց ըստ մասնագետների այնուամենայնիվ դասագրքում կան բավականին շատ վրիպակներ, անճշտություններ, բացթողումներ և սխալներ։Դժգոհություններն այն մասին են, որ դասագրքում նաև Արցախի սահմաններն առանձնացված և գծանշված չեն, այն ներկայացված է Լեռնային Ղարաբաղ (Արցախ)՝ Ադրբեջանի տարածքում։ Այնինչ, Բաքվի հավակնությունները ՀՀ ինքնիշխան տարածքի նկատմամբ դրսևորվում են նաև ադրբեջանական դասագրքերում։ Օրինակ՝ Ադրբեջանի պատմության 5-րդ դասարանի դասագրքի շապիկին անգամ Հայաստանն ու Արցախը ներկայացված են որպես Ադրբեջանի մաս։ Արցախի «Մեսրոպ Մաշտոց» համալսարանի Կովկասագիտության կենտրոնի ղեկավար, պատմաբան Հովիկ Ավանեսովը եւս իր վրդովվմունքը արտահայտեց դասագրքի վերաբերյալ, մասնավորապես փաստելով, որ դասագրքում հակագիտական սխալների պակաս չկա․

-Հայոց պատմության  7-րդ  դասարանի  դասագիրք  թերթելիս  գրեթե   մեկ  էջ   չկա , որտեղ սխալներ, հակագիդական ձևակերումումներ չլինեն: Նաև տեղատադրված են  սխալ   քարտեզներ: Արցախի  դիտարկումը Ադրբեջանի  կազմում  ոչմիայն  պատմական  փաստերի խեղաթյութում է, այլ նաև  դավաճանական  քայլ:  Այս  դասագիրքը  ոչ  մի  առնչություն  չունի  Հայոց  պատմության հետ և պետք է հրաժարվել նման բովանդակությամբ դասագրքերի  օգտագործումից: Որպես պատմության մասնագետ հսատկորնեն ընդգծում եմ, որ նման  հակազգային  բովանդագությամբ  գիրքը  չի  կարող  որակվել  որպես  դասագիրք: Ակնհայտ է, որ  այս  գիրքը  գրվել  է ՀՀ  վարչապետի  աթոռը  զբաղեցնողի  կեղծ  խաղաղասիրական  օրակարգից  ելնելով՝ նպատակ հետապնդելով նման գրքերի միջոցով դպրոցներում տարածել կեղծ խաղաղության օրակարգը: Սա այն դեպքում,  երբ  թշնամին  այդ  խաղաղության  օրակարգը  չի  ունեցել  և  չի  էլ  ունենալու: Ավելին, թշնամու խաղաղության օրակարգը դա տարածաշրջանն առանց հայկական պետականության է: Ադրբեջան  արհետածին գոյակցության հանցագործ վարչախումը բացահայտ  հավակնություններ է ներկայացնում ամբողջ ՀՀ ինքնիշխան տարածքի նկատմամբ, որը արտացոլվում է ոչ միայն քարոզչական հրապարակումններում ու  իշանություններ ռազմատենչ հայտարարություններում, այլ նաև Ադրբեջանի դպրոցական  դասագրքերում: