Որովայնի խոռոչում պուլսացիա, գերճնշում. Զարկերակային հիվանդությունների առաջին ահազանգը
ՏեսանյութերԻ՞նչ զարկերակային պաթոլոգիայի կարող է վկայել որովայնի խոռոչում նկատվող ավելորդ պուլսացիան, ինչո՞ւ է այս հիվանդությունը որոշ դեպքերում հայտնաբերվում է արդեն ճակատագրական պահին, ինչո՞ւ է այն ակտիվանում հատկապես ձմռան շրջանում, ովքեր են ռիսկի խմբում այս եւ զարկերակային հիվանդությունների ախտաբանական երեւույթների ի հայտ գալու առաջին ախտանշնանների մասին «Բժշկի մոտ» հաղորդաշարի շրջանակներում զրուցել ենք ԵՊԲՀ թիվ 3 վիրբուժական հիվանդությունների ամբիոնի դասախոս, «Իզմիրլյան» ԲԿ անոթային վիրաբուժության բաժանմունքի ղեկավար ՎԱՐԴԱՆ ՈՍԿԱՆՅԱՆԻ հետ:
Զարկերակային հիվանդություն ունեցող հիվանդները հաճախ բժշկին դիմում են անոթների լայնացուների՝ անևրիզմաների դեպքում: Անևրիզմաների ժամանակ հիվանդներն ունենում են ախտաբանական արտափքում: Երբ հիվանդությունը տեղակայված է լինում որովայնային աորտայի վերջնամասում, հիվանդը երկար ժամանակ կարող է նույնիսկ չիմանալ իր օրգանիզմում գոյություն ունեցող անևրիզմայի մասին: Հիվանդությունը հաճախ հայտնաբերվում է պատահական զննումների՝ մեկ այլ բուժման կամ հետազոտության ժամանակ: Հիվանդները որովայնի խոռոչում ունենում են ավելորդ պուլսացիա, կարծես երկրորդ սիրտ բաբախի, և շոշափվում է որոշակի էլաստիկ գոյացություն: Անևրիզմաները հիմնականում պատահում են բարձր զարկերակային ճնշում ունեցող հիվանդների շրջանում, որոնք ունեն քիչ թե շատ արտահայտված աթերոսկրելոտիկ ախտահարումներ: Ցավոք այս հիվանդությունը որոշ դեպքերում հայտնաբերվում է արդեն ճակատագրական պահին, երբ տեղի է ունենում անևրիզմայի անոթի պատռվածք:
1
13540 դիտում
2
5280 դիտում
3
3116 դիտում
4
2596 դիտում
5
2198 դիտում
