Որևէ մեկի հայտարարությամբ չի կարող Արցախի Հանրապետությունը լուծարվել. Սերժ Սարգսյան

«Կգա  ժամանակը, մենք հանգամանորեն կասենք, թե ինչ ենք նկատի ունեցել այդ հայտարարությունն անելով»,- հերթական դատական նիստից հետո լրագրողների հետ զրույցում ասաց ՀՀ երրորդ նախագահ Սերժ Սարգսյանը՝ պատասխանելով հարցին, թե  Արցախի դեպքերից հետո հայտարարել էր՝  «Արցախի էջը փակված չէ», ի՞նչ է նշանակում իր այս հայտարարությունը։

Հարցին՝ ի՞նչ պայմաններում պետք է  արցախահայերը վերադառնան, Ս. Սարգայանը պատասխանեց. «Դա պետք է արցախահայությանը հարցնել, թե ինչ պայմաններում են պատրաստ իրենք վերադառնալու Արցախ։ Որ վերադարձը ցանկալի է, իհարկե, միանշանակ է, բայց  այնտեղ պետք է լինեն համապատասխան պայմաններ։ Թե ինչպիսի պայմաններ, ես չեմ կարող հիմա ասել՝ չիմանալով, չուսումնասիրելով նրանց կարծիքը»։

Լրագրողը մեջբերեց Եվրոպական խորհրդի նախագահ Շառլ Միշելի հայտարությունը՝ Արցախի հայերի իրավունքները պետք է երաշխավորվեն Ադրբեջանի սահմանադրության շրջանակներում, սա՞ է Եվրոպայի երաշխիքները և այս երաշխիքների ներքո՞ է ՀՀ-ն գնում խաղաղության օրակարգերի, ՀՀ երրորդ նախագահը պատասխանեց. «Ոչ, դա չի կարող լինել  երաշխիք։ Նման խոսքեր շատ ենք լսել, այնպես որ դա ուղղակի զրո երաշխիք է։ Այդ հարցերի մասին լավ կլինի խոսել այդ մարդկանց հետ»։