Ականջիս առ այսօր հայերենն է հնչում. մահացել է Օթար Իոսելիանին

Այսօր՝ դեկտեմբերի 17-ին, 89 տարեկանում մահացել է վրացի խորհրդային կինոռեժիսոր, սցենարիստ, դերասան, ՎԽՍՀ ժողովրդական արտիստ ՕԹԱՐ ԻՈՍԵԼԻԱՆԻՆ: Հիշեցնենք, որ տաղանդաշատ արտիստը մեծացել է հայկական միջավայրում, ինչի մասին մշտապես նշում էր ջերմ հուշերով. «Թբիլիսին հայկական քաղաք էր, այն հայերն են կառուցել, շատ աշխատող մարդիկ էին: Ես մեծացել եմ հայերի միջավայրում եւ ականջիս առ այսօր հայերենն է հնչում: Սոլոլակը, որ հայերն էին ապրեցնում, լիքն էր տաղանդավոր հայ արհեստավորներով, հրաշալի մարդիկ  էին: Հետո, ցավոք, շատ հայեր հեռացան, հիմա քաղաքը դատարկվել է, քանի որ մտավորականներն են հեռացել, ու տարբեր տեղերից գռեհիկներն ու ցածրակարգերը լցվել են Թբիլիսի: Հիմա մենք քայլում ենք փողոցով, բայց ոչ ոք մեզ չի ճանաչում: Չկա մեկը, որին կարելի է բարեւել: Թբիլիսին դատարկվել է: Երբ հեռանում ես քո քաղաքից, պետք է հիշես, որ վերադառնալու ես արտասահման»:

Օթար Իոսելիանին 1962 թվականին նկարահանել է «Ապրիլ» կարճամետրաժ ֆիլմը, 1964 թվականին՝ «Չուգուն» վավերագրական ֆիլմը, որը մետաղաձուլարանի մեկ օրվա մասին է։ Նրա «Տերեւաթափ» առաջին լիամետրաժ ֆիլմը 1966 թվականին Կաննի միջազգային կինոփառատոնում արժանացել է FIPRESCI-ի մրցանակի եւ Ժորժ Սադուլ մրցանակի՝ լավագույն դեբյուտի համար։ 1971 թվականին «Ապրում էր մի երգող կեռնեխ» ֆիլմը նկարահանելուց հետո՝ 1976 թվականին ռեժիսորն ասպարեզ է հանել «Հովվերգություն» կարճամետրաժ ֆիլմը, որը Բեռլինի միջազգային կինոփառատոնում արժանացել է FIPRESCI-ի մրցանակի։ 1980-ականներից Իոսելիանին աշխատել է Ֆրանսիայում։ 1984 թվականին նկարահանել է «Լուսնի սիրելիները», որին շնորհվել է Վենետիկի միջազգային կինոփառատոնի Ժյուրիի հատուկ մրցանակը։ Նույն մրցանակն են նվաճել նաեւ նրա երկու այլ գործեր՝ «Եվ եղավ լույս»ը (1989) եւ «Ավազակներ, գլուխ յոթերորդ»-ը (1996)։ 1999 թվականին էկրան բարձրացավ Իոսելիանիի «Մնաս բարով, տուն, սիրելի տուն» ֆիլմը, որտեղ Իոսելիանին եւս դեր ուներ։ Օթար Իոսելիանին կինոյի մասին մի շարք հոդվածներ է հեղինակել, որոնք տպագրվել են Ռուսաստանում եւ արտասահմանում։ 1993 թվականին արժանացել է «Տրիումֆ» մրցանակին։ 2000 թվականին եղել է La Fémis-ի՝ Ֆրանսիայի ազգային կինոդպրոցի ընդունելության քննության հանձնաժողովի նախագահը, 1986 թվականին՝ Բեռլինի միջազգային կինոփառատոնի ժյուրիի անդամ։

Այս թեմայով Հայաստանի իշխանությունը ներկայացնողները դավաճանել են մի բուռ հայ ժողովրդին ու մտադիր են ոչնչացնել նրան Որ խելքներդ չի հասնում, ծպտուն մի հանեք․ ԲԱՄԲԱՍԱՆՔ Ով է ստում․ Ավինյանը, թե՞ Փաշինյանը Հայաստանը վերջին հորիզոնականում է տարածաշրջանում՝ զիջելով Վրաստանին, Ադրբեջանին ու Թուրքիային. Կրթության փորձագետը ահազանգում է Ջուրը երբեք ձրի կամ շատ էժան չի եղել, բայց խնդիրն այդպես էին ձևակերպել Խորհրդային Միությունում