Զարմանք: Մեզ զարմացրեց նաեւ Իսրայելի իշխանությունների լկտիության աստիճանը

Ինչպես միշտ մեզ նորից զարմացրեց Նիկոլը։ Գտնելով ցնցուղակախիչային խախտումներ դպրոցներում  ու պաշտոնանկ անելով տարբեր  պաշտոնյաների  նա, չգիտես ինչու,  ոչ մի թթու խոսք չասեց  իր  կրթության նախարարին։ Զարմանալի է, մի՞թե ԿԳՄՍ նախարարը այդքան զորեղ է, որ նրանից վախենում  է անգամ Նիկոլը։

Մեզ զարմացրեց նաեւ Իսրայելի իշխանությունների լկտիության աստիճանը։ ՀՀ-ում Իսրայելի դեսպանը  Թվիթերում ն դատապարտել է Հայաստանում  Գարեգին նժդեհի հերոսացումը  եւ ՀՀ իշխանություններից պահանջել է <<հաստատակամ դիրքորոշում ցուցաբերել>>։ Այդ ինչքա՞ն է լկտիացել Իսրայելը, որ Գազայի հատվածում պաղեստինցիների ցեղասպանությունը իրականացնելուն զուգահեռ դեռ մի բան էլ ցուցումներ է տալիս  Նիկոլին  եւ խառնվում Հայաստանի գործերին։ Այստեղ զարմանալի է նաեւ , թե ինչքան նվաստացուցիչ է Նիկոլի վիճակը , որ այդ կապակցությամբ անգամ  նոտայով հանդես չեկավ։ Չէ՞ որ ցանկացած այլ երկրում դեսպանի նման պահվածքը  կենթադրեր նրա վռնդումը այդ երկրից։

Մեզ զարմացրեցին նաեւ Վրաստանի իշխանությունները։ Փոխանակ ուրախ եւ երջանիկ լինեն, որ  տասնյակ-հազարավոր հայեր  որոշել են  Ամանորը  նշեն Վրաստանում եւ թողնեն այնտեղ տասնյակ-միլիոնավոր դոլարներ, Վրաստանի իշխանությունները  բազմապիսի խոչընդոտներ են առաջացրել հայ զբոսաշրջիկների առջեւ, որոնց մի մասը ստիպված էր Ամանորը դիմավորել Վրաստանի մաքսատանը։ Այդ կապակցությամբ զարմացնում  են մեզ նաեւ  ՀՀ իշխանությունները, որոնք ոչ միայն նախապես չփորձեցին  դյուրացնել ՀՀ քաղաքացիների  կողմից հայ-վրացական սահմանի անցումը, այլ անգամ  այդ խայտառակությունից հետո  ծպտուն անգամ չհանեցին  վրացիների պահվածքի վերաբերյալ։ Կարծես թե Նիկոլի հռչակած «հպարտ արտաքին քաղաքականությունը»  հասել է իր  վերջնական ճգնաժամին։

Վրաստանի սահմանը անցնելիս մեզ զարմացրեց նաեւ  մեր ժողովուրդը, որը  վրացական  մաքսատունը գրոհելուց` Ամանորը  երջանիկ  ուրախության մեջ  անցկացնելու  մոլուցքի մեջ  հրում էին միմյանց, գետնին գցում կանանց եւ չէր գտնվում  մեկը, որպեսզի օգնի նրանց բարձրանլու։ Հերթ հասկացողությունը ընդհանրապես գոյություն չուներ։ Եվ այդ տխուր պատկերի վրա  զարմանում  ես, երբ  օտար ազգերը ճգնաժամանյին իրավիճակում դառնում են էլ ավելի կարգապահ ու կենտրոնացած։ Այսպես, օրինակ՝  վթարված ճապոնական ինքնաթիռից  մի քանի տասնյակ ուղեւորներ պահպանելով կարգ ու կանոնը եւ հերթը 90 վայրկյանում դուրս եկան եւ բոլորը  մնացին ողջ ու առողջ։ Սարսափով պատկերացնում ես, թե  Աստված չտա, որ դա լիներ  հայկական ինքնաթիռ...

Մեզ զարմացրեց նաեւ  Լատվիայի  պատգամավոր ու քաղաքական գործիչ  Վալդեմար Բուրգիսը, որը  կոչով դիմեց  Լատվիայի  ազգությամբ ռուս  բնակիչներին, խորհուրդ տալով  որ վերջիններս փոխեն ռուսական ազգաքնունները լատվիականով։ Նա հիմնավորեց իր կոչը նրանով , որպեսզի <թոռները չտուժեն> եւ առաջարկեց դա անել հիմա ու հանգիստ ապրել։ Ըստ էության, սա ոչ այլ ինչ է, քան դասական նացիզմի դրսեւորում եվրամիության անդամ երկրում։ Սակայն վերոհիշյալ գործչին ոչ մի տուգանք չեղավ, անգամ հասարակական պարսավանք։ Այլ բան է, եթե հանկարծ Եվրամիության որեւէ երկրում  որեւէ մի տղամարդ կոմպլիմենտ անի որեւէ կնոջ։ Այդ դեպքում եվրոպական ողջ «դեմոկրատիան»  ոտքի  է կանգնում եւ պաշտպանում  կանանց իրավունքները տղամարդկանց <ոտնձգություններից>, ինչպես եղավ Ֆրանսիայում հայտնի դերասան Ժերար Դեպարդեյի հետ։