Ինչ ականներ են դրված «Հայոց պատմությունը»` «Հայաստանի պատմություն» վերանվանվելու տակ

Կրթական գերատեսչությունը շատ արագ հանրային քննարկման է ներկայացրել Կառավարության որոշման փոփոխություն, որով առաջարկում են «Հայոց պատմությունը» դարձնել «Հայաստանի պատմություն»: Ի՞նչ հետեւանքներով է հղի նման փոփոխություն, պատմության, ի՞նչ էջեր են փորձ արվում ստվերում թողնել, հարցի պատասխանը փորձել ենք ստանալ արցախցի պատմաբան, «Հայքի մշակույթի Օմբուդսմեն» Հովիկ Ավանեսովից, ով նկատեց.

-Հայոց պատմության դպրոցական դասագիրք չպետք է վերանվանվի Հայաստանի պատմություն անվան, այն, որպես Հայոց պատմություն պետք է շարունակի կիրառվել ուսումնական հաստատություններում: Սակայն այդ դասագրքերը պետք է շարադրված լինեն պատմականության սկզբունքից ելնելով և դասագրքերի հրատարկաման պատրաստմանը պետք է ներգրաված լինեն նաև պատմության ուսուցիչները ևս: Առարկայի վերանվանումը Հայաստանի պատմության դասագրքից եւս ըստ երեւույթի դուրս կմնան Արևմտյան Հայաստանի, Կիլիկյաի, Արցախի և սփյուռքի մասին բաժիները: Իսկ նման բովադակությամբ դասագրքով հնարավոր չէ դաստիարակել հայրենատեր սերունդ:

 -ՔՊ-ական պատգամավոր Հովիկ Աղազարյանը հայտարարել է, որ Հայաստանը ոչ միայն հայերի,այլ նաեւ այլ ազգերի պատմական հայրենիքն է։ Որպես պատմաբան, կարո՞ղ եք ասել էլ ո՞ւմ պատմական հայրենիքն է Հայաստանը։