ԶԱՐՄԱՆՔ

ԲԴԽ նա­խա­գահ ԿԱՐԵՆ ԱՆԴՐԵԱՍՅԱՆԸ և ար­դա­րա­դա­տութ­յան նա­խա­րար ԳՐԻԳՈՐ ՄԻՆԱՍՅԱՆԸ զար­մա­նա­լիո­րեն  «լայ­քում» են Ա­լե­նի դրած նկա­րը` եղ­բոր և ­հար­սի հետ: ­Մի կող­մից` վե­րո­հիշ­յալ եր­կու ան­ձինք, ընդ ո­րում, եր­կուսն էլ «քյար­թու նախ­կին­ներ» Ա­լե­նի հար­սին կա­լանք են տա­լիս, մյուս կող­մից` ա­ջակ­ցութ­յուն են հայտ­նում Ա­լե­նին, ո­րը, իր հեր­թին, զար­մա­նա­լիո­րեն ա­ջակ­ցութ­յուն է հայտ­նում կո­ռուպ­ցիա­յի մեջ մե­ղադր­վող հար­սին:

­Մեզ զար­մաց­նում է զար­մա­նա­լի նա­խա­րար ՎԱՀԱՆ ՔԵՐՈԲՅԱՆԸ: ­Սա այն­քան ան­կեղծ զար­մա­նում է, որ իր ղե­կա­վա­րած նա­խա­րա­րութ­յու­նում հեր­թա­կան ան­գամ պայ­թում է կո­ռուպ­ցիոն սկան­դալ, որ քիչ է մնում հա­վա­տաս իր ան­կեղ­ծութ­յա­նը: ­Սա­կայն ­Քե­րոբ­յա­նը զար­մա­նա­լիո­րեն մո­ռա­նում է, որ ժա­մա­նա­կին ե­ղել է «Ս­թար» սու­պեր­մար­կետ­նե­րի ցան­ցի տնօ­րեն եւ իր գոր­ծու­նեութ­յան արդ­յուն­քում մի քա­նի տասն­յակ կազ­մա­կեր­պութ­յուն­ներ մտան դա­տա­րան, քա­նի որ կորց­րին հսկա­յա­կան գու­մար­ներ, ա­յսինքն` «քցվե­ցին»: Բայց ­Քե­րոբ­յա­նը զար­մա­նա­լիո­րեն շա­հած դուրս ե­կավ ի­րա­վի­ճա­կից, ձեռք բե­րե­լով ­Վա­հագ­նի թա­ղա­մա­սում շատ ճոխ ա­ռանձ­նա­տուն, եւ մա­մու­լում նշվում էր ան­գամ այդ ա­ռանձ­նա­տան մո­տա­վոր գի­նը` շուրջ 300 հա­զար ԱՄՆ դո­լար:

­Մեզ շա­րու­նա­կում է զար­մաց­նել ՆԻԿՈԼԸ, ո­րը այ­ցե­լեց ժա­մա­նա­կին տխրահռ­չակ ՊԵԿ նա­խա­գահ Ար­մեն Ա­վե­տիս­յա­նի կա­ռու­ցած եւ հե­տա­գա­յում նո­րօր­յա օ­լի­գարխ Նա­րեկ ­Նալ­բանդ­յա­նին փո­խանց­ված հյու­րա­նո­ցի վե­րա­բաց­մա­նը: ­Պարզ չի, այդ զար­մա­նա­լի  այ­ցե­լութ­յամբ ­Նի­կո­լը  ընդգ­ծում էր իր լավ հա­րա­բե­րութ­յուն­նե­րը նո­րօր­յա  օ­լի­գար­խի հե՞տ, թե՞ այդ­քան շատ է կա­րե­ւո­րում հյու­րա­նո­ցի վե­րա­բաց­ման փաս­տը: ­Զար­մա­նա­լի է նաեւ, որ  ան­հաս­կա­նա­լի օ­տար ան­վա­նում ու­նե­ցող հյու­րա­նո­ցի ճա­կա­տին  դրված գո­վազ­դում մի տառ հա­յե­րեն չկա: ­Սա լեզ­վի մա­սին օ­րեն­քի խախ­տում է, սա­կայն հա­յոց լե­զուն ­Նի­կո­լի հա­մար ե­րե­ւի թե նույն­քան խորթ է, ինչ­քան Ար­ցա­խը, ­Հայ Ա­ռա­քե­լա­կան ե­կե­ղե­ցին, ­Ցե­ղաս­պա­նութ­յան մի­ջազ­գա­յին ճա­նա­չումն  ու Ա­րա­րա­տը: ­Թեեւ, դա նույն­պես զար­մա­նա­լի է, քա­նի որ ­Նի­կո­լը  բա­վա­րար չա­փով ո­րե­ւէ այլ լեզ­վի չի տի­րա­պե­տում:

­Մեզ զար­մաց­րեց  ­Շի­րա­կի թե­մի ա­ռաջ­նորդ  ԱՋԱՊԱՐՅԱՆԸ: ­Նա զար­մա­նա­լիո­րեն ճշգրիտ գնա­հա­տեց  մեր ժո­ղովր­դի վի­ճա­կը, որ­պես հի­վանդ հա­սա­րա­կութ­յուն, նշե­լով, որ մենք տա­լիս են տա­րածք­ներ ա­ռանց զոհ տա­լու: ­Նա իր հեր­թին զար­մա­նում է, թե ինչ­պես 500 հո­գին շրջա­փակ­ման մեջ վերց­րին  30 հա­զա­րոնց զոր­քը: ­Սա­կայն «դիագ­նո­զը» նշե­լով հան­դերձ, հար­գար­ժան թե­մի ա­ռաջ­նոր­դը  այդ­պես էլ չի նշում, թե որն է ել­քը այս ի­րա­վի­ճա­կում, կամ որ­պես ելք, նշում է, որ  «­սա­սուն­ցիդա­վիթ­նե­րը պետք է բազ­մա­նան» եւ կազ­մեն հայ ժո­ղովր­դի մեջ 2 տո­կոս: ­Սա­կայն մին­չեւ սպա­սենք, որ ­սա­սուն­ցիդա­վիթ­նե­րը բազ­մա­նան, ա­մե­նայն հա­վա­նա­կա­նութ­յամբ, էլ ­Հա­յաս­տան չի լի­նի, հայ ժո­ղո­վուրդն էլ ցրված կլի­նի աշ­խար­հով մեկ:

­Մեզ շա­րու­նա­կում է զար­մաց­նել` իբր ան­կախ Ուկ­րաի­նա­յի  նա­խա­գահ ԶԵԼԵՆՍԿԻՆ: ­Նա, որ­պես­զի փո­խի իր երկ­րի գլխա­վոր հրա­մա­նա­տա­րին, այդ մա­սին պաշ­տո­նա­պես հարց­նում է  ԱՄՆ-ին: Իսկ ԱՄՆ-ն ­զար­մա­նա­լով, որ դա ար­վում է  այդ­քան բա­ցա­հայտ, ստիպ­ված էր հրա­պա­րա­կա­յին պա­տաս­խա­նել, որ պաշ­տո­նյա­նե­րի նշա­նակ­ման եւ ա­զատ­ման հար­ցը Ուկ­րաի­նա­յի ինք­նիշ­խան ո­րոշ­ման  գործն է, եւ ԱՄՆ-ն­ ո­րե­ւէ կապ այդ­տեղ չու­նի: Ա­հա այս­պի­սի  տեր ու ծա­ռա­յի զար­մա­նա­լի միջ­պե­տա­կան հա­րա­բե­րութ­յուն­ներ: