Սեւակի եւ Սահյանի պատկերներով գուլպաներ արտադրող «DaVinci Art Shop»-ը կապի դուրս չի գալիս

Ինչպես մեծանուն բանաստեղծ Պարույր Սեւակի, այնպես էլ Համո Սահյանի պատկերներով գուլպաները, որոնք լայնորեն տարածվեցին համացանցում, «DaVinci Art Shop»-ի արտադրանքն է: Ավելի վաղ Համո Սահյանի որդին՝ Նաիրի Սահյանը պնդել էր, որ պատրաստվում է դատի տալ «DaVinci Art Shop»-ին՝ իրեն բարոյական մեծ վնաս հասցնելու պատճառով: Այս մասին «Իրավունք»-ի հետ զրույցում բարձրաձայնեց նաեւ Պարույր Սեւակի թոռը` բանասիրական գիտությունների թեկնածու, գրականագետ, «Պարույր Սեւակի տուն-թանգարան» ՊՈԱԿ-ի տնօրեն Սեւակ Ղազարյանը:

Այդուհանդերձ, մենք փորձեցինք կապ հաստատել հենց «DaVinci Art Shop»-ի ղեկավարության հետ եւ ներկայացնել նաեւ նրանց մեկնաբանությունը՝ հանրային լայն արձագանք գտած խնդրի վերաբերյալ: Սակայն, սոցցանցերի միջոցով նրանց հետ կապ հաստատել չհաջողվեց, իսկ միակ կոնտակտային հեռախոսահամարով, որն առկա է իրենց պաշտոնական էջում, մեր զանգին ի պատասխան` փոխանցեցին, որ ղեկավարության մասին որեւէ ինֆորմացիա չեն կարող փոխանցել, նրանց հետ կապ հաստատել եւս հնարավոր չէ:

ՀՐԱՆՏ ՍԱՐԱՖՅԱՆ

Այս թեմայով Տիգրանաշեն գյուղը պատկանում է Պարույր Սևակ համայնքին, ի՞նչ իրավունքով է ադրբեջանական անունով ասվում Գյումրիում մեկնարկել է ժամանակակից արվեստի Gyumri Art Week 2026-ը Ջրի տերն ու պատասխանատուն չգիտի, թե ջուրն ով է անջատել․ Պարույր Հայրիկյան Բնակչության որևէ հատվածի ջրազրկումը «դիվերսիա» է. Հայրիկյանը դիմել է ԱԱԾ-ին Եթե Կարապետյանը հիմա կոչ է անում համախմբվել, ես այդ կոչը ուղղակի չեմ ստացել. Հայրիկյան