Չարենցի արձանի մոտ եկաք Պուտինին փնովելու նպատակով, սակայն Մեծն Չարենցը պատռեց բոլորի՛դ դիմակները. Ալլա Հակոբյան

«Ձեր ծաղկեփնջերը տանեիք դնեիք Գուրգեն Մարգարյանի շիրմաքարի մոտ, ով 21-րդ դարում «քաղաքակիրթ» Եվրոպայի ու ձեր Եվրամիության կենտրոնում ԿԱՑՆԱՀԱՐՎԵՑ քարանձավից դուրս եկած թուրքի ձեռամբ, ում ՀԱՆԳԻՍՏ ԽՂՃՈՎ ուղարկեցիք ետ՝ այն հայտնի անպատիժ «վայելքների» քարանձավ...

Մերօրյա փարիսեցինե՛ր...

 

Չարենցի արձանի մոտ եկաք Պուտինին ՓՆՈՎԵԼՈՒ նպատակով, սակայն Մեծն Չարենցը պատռեց ԲՈԼՈՐԻ՛Դ դիմակները... Ի՞նչ է... Ուզում եք կրկնել ՍՍՀՄ-ի ՓԼՈՒԶՈ՞ՒՄԸ... Ինչու չէ՞, եթե 1985 թ. մարտի 11-ից (գրեցի, եւ անմիջապես հիշեցի 2008-ի մարտի 1-ը, 2018-ի մարտի 31-ը... Սրանց մոտ, հավանաբար, պատոլոգիա է, мартовское обострение) Գորբաչովին ԿԱՐՈՂԱՑԱՔ ՍԱՐՔԵԼ ԽՄԿԿ Կենտկոմի գլխավոր քարտուղար ու քայլ առ քայլ՝ հետեւողականորեն, ՆԵՐՍԻՑ ՔԱՆԴԵԼ Սովետական Սոցիալիստական Հանրապետությունների Միությունը, թեպետ, ԸՆԴՕՐԻՆԱԿԵՑԻՔ եւ նրա նմանությամբ ստեղծեցիք ձե՛ր՝ Եվրոմիությո՛ւնը: Դրսից ԾՐԱԳՐԱՎՈՐԱԾ փլուզումը, որն ակտիվորեն սկսեց իրականացնել Գորբաչովը, ավարտին հասցրեց Ելցինը...

 

Մեզ մոտ՝ ազատ ու ՀԱՂԹԱՆԱԿԱԾ Հայաստանում, 2008-ին տապալվեցիք, սակայն 2018-ին հաջողեցիք եւ նիկոլին բերեցիք-դրեցիք հայերի գլխին վարչապետ...

Այժմ էլ՝ Ռուսաստանում՝ ԸՆՏՐՈՒԹՅՈՒՆՆԵՐԻՑ ԱՌԱՋ (!), փորձում եք Նավալնուն ներկայացնել Պուտինի զոհ, սակայն բոլոր երկրներում ԱՆՄԵՂ մարդկանց մահերը հե՛նց ձե՛ր խղճին են՝ Իրաքից մինչեւ Վիետնամ եւ Ուկրաինա, Սերբիայից մինչեւ Արցախ ու Հայաստան... Երեսպաշտնե՛ր... Շատ ՃԻՇՏ է գրում լրագրող Հրանտ Սարաֆյանը, հիշատակելով Մեծն Կոմիտասին... Արխիվների նյութերը լուռ վկայում են ու բացում խաբված մարդկության աչքերը... Աշխարհն այսօր գիտի, թե ո՞ւմ ՀՈՎԱՆՈՒ ներքո են թուրքերը ԻՐԱԿԱՆԱՑՐԵԼ ՄԻԼԻՈՆԱՎՈՐ հայերի ցեղասպանությունը...

 

Մեղրաբերան կեղծավորնե՛ր, հենց ԴՈ՛ՒՔ եք խառնվում ուրիշ երկրների ներքին քաղաքականությանը եւ քանդում պետություններ...

Հենց ՁԵ՛Ր պատճառով ՀԱՅԱԹԱՓՎԵՑ ԱՐՑԱԽՍ... Հիշեցնեմ. «Լեռնային Ղարաբաղը մեր հողն է»,- սա հարցազրույցներից մեկում ասել է Իսրայելի վեցերորդ վարչապետ՝ Մենախեմ Բեգինը: