Ալիեւը սարսափում է ԵԿՄ-ականներից, որորվետեւ լավ գիտի տղերքի զարկի արժեքը, այդ վախերից ելնելով նրանց պիտակավորեց որպես վարձկաններ․ «Կոռնիձոր» ջոկատի հրամանատար

«Կոռնիձոր» ջոկատի հրամանատար Արա Խուդավերդյանի հետ զրուցել ենք օրեր առաջ Ներքին Հանդում թշնամու կողմից սաձազերծած սադրանքի, լայնածավալ ռազմական էսկալացիայի հնարավորության եւ Ալիեւի կողմից զոհված ԵԿՄ-ականներին, որպես վարձկաններ ներկայացնելու մասին։ Մինչ բուն հարցին հարցին անդրադառնալը «Կոռնիձոր» ջոկատի հրամանատարը նախ իր խորին ցավակցությունը հայտնեց նահատակված ԵԿՄ-ականներին․

-ԵԿՄ-ի մեր տղաները մեկ անգամ եւս թշնամուն ցույց տվեցին, որ հայը կոտրվող տեսակ չէ, իսկ մեզ՝ ողջերիս մեսիջ ուղարկեցին, որ պետք է էլ ավելի համախմբվենք նենգ թշնամուն արժանի հակահարված տալուն։ Ինչ վերաբերում է ալիեւյան պիտակավորումներին, ապա վերջինս մեր տղաներին փորձեց աշխարհին ներկայացնել որպես վարձկաններ, որպեսզի ապահովագրի ավտորիտար տեռորիստական Ադրբեջանի հետագա թալանչիական պատերազմ հրահրելու նկրտումները, ապահովագրելով ինքնիշխան պետության տարածքների նկատմամբ պատեհ առիթին թաթը դնելու նպատակը։ Ալիեւը սարսափում է անվարձահատույց կյանքի ու մահու կռիվ տվող ԵԿՄ-ականներից, որորվետեւ լավ գիտի ԵԿՄ-ականների զարկի արժեք, այդ վախերից ելնելով նրանց պիտակավորեց որպես վարձկաններ։ 

-Պարոն Խուդավերդյան, հաշվի առնելով իրողությունները հնարավոր համարո՞ւմ եք նոր, լայնամաշտաբ պատերազմի վերսկսում։

-Ալիեւը, որպես առանձին միավոր ոչինչ է, նա թրիք է գետնի վրա, նա չի գնա լայնամաշտաբ պատերազմի քանի դեռ չի ստացել համապատասխան գերտերությունների դաբրոն։ Այս ընթացքում մասնակի դիրքային խաղերի, ոտնձգությունների կգնա անշուշտ, մինչեւ որ ստանա համապատասխան թույլտվությունը գերտերությունների կողմից, որոնց վաղեմի երազանքն է Հայաստանի կործանումը։ Թե ինչ քայլերի կգնա Ալիեւը առաջիկայում մեծապես կախված Մյունխենում ձեռք բերված պայմանավորվածություններով, որոնց մասին դեռ շատ մանրամասներ հայտնի չեն։ Ես Ձեզ ավելին ասեմ, Ներքին Հանդում տեղի ունեցածի պոչը այն գերտերությունների տակ է, ովքեր դեմ էին Մյունխենյան հանդիպումներին։