«Ամուսնական անհավատարմությունն ամուսնալուծության պատճառներից մեկն է». Կարինե Կոյումջյան

Հայաստանի ազգային վիճակագրական ծառայության մարդահամարի և ժողովրդագրության բաժնի պետ Կարինե Կույումջյանն այսօրվա մամլո ասուլիսում ներկայացրեց Հայաստանում գրանցված ամուսնությունների և ամուսնալուծությունների քանակի մասին տվյալներ: Կույումջյանի խոսքով՝ անկախության առաջին տասնամյակում ունեինք ամուսնությունների թվի կտրուկ նվազում, իսկ հաջորդ տասնամյակում ամուսնության ավելացում: «Ամուսնությունների ամենաբարձր ցուցանիշը եղել է 2011 թվականին՝19706 դեպք, 2012 թվականին՝ 19 հազար, իսկ վերջին չորս-հինգ տարիների ընթացքում ունենք ամուսնությունների թվի նվազում: 2016 թվականի ցուցանիշը՝16912 դեպք»,- ասաց Կույումջյանը: Ներկայացնելով ամուսնալուծությունների վերաբերյալ տվյալներ՝ Կույումջյանը նշեց, որ ամուսնալուծությունների ամենաբարձր ցուցանիշը (4496) գրանցվել է 2014 թվականին: Նրա խոսքով՝ 2015-2016 թվականներին նվազել են ինչպես ամուսնությունների, այնպես էլ ամուսնալուծությունների թիվը:

Որո՞նք են ամուսնալուծությունների հիմնական պատճառները` չմտածված ամուսնություն, նյութական անբավարար միջոցներ,  ամուսնական անհավատարմություն, վատ սովորություններ, արտագնա աշխատանք,  խանդ: «Ծնողների եւ հարազատների հետ վատ հարաբերությունների պատճառով   ամուսնալուծությունների մեկ տոկոս է»,- ասաց  Կ. Կույումջյանը:

Ամուսնալուծվող զույգերի մեծ մասը 20 եւ ավելի համատեղ կյանքով ապրածներն են: ԱՊՀ երկրների համեմատ` Հայաստանում  5 տարի համատեղ կյանքից հետո ամուսնալուծությունների թիվը 24% է, իսկ Ադրբեջանում, Բելառուսում, Ղրղզստանում` 38%:  

Ազգային վիճակագրական ծառայության մարդահամարի և ժողովրդագրության բաժնի պետը ներկայացրեց տվյալներ ամուսնության տարիքի մասին: «Եթե  մի քանի տարի առաջ տղամարդկանց միջին տարիքը 25,5 տարեկանն էր, ապա հիմա 29,4 տարեկանն է: Կանանցը 22 տարեկանն էր առաջ, հիմա արդեն` 26,2 տարեկանը»,- մանրամասնեց տիկին Կոյումջյանը: 

Ասուլիսի մյուս բանախոս,  փաստաբան Տիգրան Սարուխանյանն էլ կարեւորեց ամուսնությունների գրանցված լինելն ու ամուսնական պայմանագիրը: Այդ ամենն իրեն զգացնել է տալիս  ամուսնալուծության ժամանակ, երբ գույքի բաժանման հարց է  առաջանում: 

«Իրավունք»-ի հարցին` ԱՎԾ-ը վիճակագրական տվյալներ ունի՞ այլազգիների հետ ամուսնության դեպքերի մասին, բանախոսը բացասական պատասխանեց. «Մինչ այժմ չենք ունեցել, բայց այս տարի արդեն կունենանք: Բայց կարծում եմ, աճի միտում կա: Իսկ համեմատական անցկացնելու համար դինամիկան պետք է նայենք»:

Սոնա Դավթյան

Այս թեմայով Օպերային երգիչներին ու Կապելլային՝ չնչին գումարներ, տաշ-տմբլ երգողներին՝ բազմապատիկ ավել․ Սուքիասյան Նոյեմբերի 9-ը Հայաստանի փրկօղակն էր․ Հայկ Այվազյան Մարտուն Գրիգորյանի վերաբերյալ քրեական վարույթն ուղարկվել է դատարան Վանական համալիրի տարածքն օգտագործել, որպես խնջույքի կազմակերպման վայր սրբապղծություն է․ Արագածոտնի թեմ Զերծ մնալ եկեղեցական կյանքի պառակտիչ միջամտություններից․ Մայր Աթոռը վերստին կոչ է ուղղում պատկան պետական մարմիններին