Ավանեսյանը վարվեց քերոբյանաբար

Ինչպես ՀՀ էկոնոմիկայի նախկին նախարար Վահան Քերոբյանն էր ժամանակին բացառում, որ իր ղեկավարած նախարարությունում առկա կոռուպցիոն շղթան կարող է հասնել իրեն, իսկ հետո դարձավ մեղադրյալ, հիմա նույնկերպ էլ առողջապահության նախարար ԱՆԱՀԻՏ ԱՎԱՆԵՍՅԱՆՆ է դասեր չքաղած` նույնպիսի ինքնավստահություն դրսեւորում:

Անդրադառնալով Դատաբժշկական գիտագործնական կենտրոնի տնօրեն, դատական բժշկության ամբիոնի պրոֆեսոր Մհեր Բիշարյանին առաջադրված մեղադրանքին (պաշտոնեական դիրքի չարաշահում)` Անահիտ Ավանեսյանն ասաց, որ գործի մասին տեղյակ է այնքանով, որ Քննչական կոմիտեն ներկայացրել էր պաշտոնի կասեցման մասին որոշում:

— Այս պահին պարոն Բիշարյանի պաշտոնավարումը կասեցված է: Ուրախ եմ, որ դատարանը որոշում է կայացրել կալանքի մասին որոշումը չբավարարել: Ընթացքում պարոն Բիշարյանը երբեք չի խուսափել որեւէ հարցաքննությունից:

— Առողջապահության նախկին նախարար, այժմ ՔՊ-ական պատգամավոր Արսեն Թորոսյանն այս գործը համարել է անհիմն եւ ասել, որ դատախազության փչած հերթական փուչիկն է: Ի՞նչ կասեք այս մասին:

—Այն, ինչ ես տեսել եմ գործի մեջ, ինձ համար շատ հիմնավոր է: Գործի վերաբերյալ դրանք ապացույցներ չեն հանդիսանում, բայց դա իմ սուբյեկտիվ կարծիքն է: Կարծում եմ, որ անձն անմեղ է` մինչեւ դատարանը վճիռ չկայացնի: Ներկայացված հիմնավորումներն փաստորեն ինձ լուրջ բան չթվացին:

— Տպավորություն է, որ Էկոնոմիկայի նախարարությունից հետո Ձեր նախարարության շուրջ են կոռուպցիոն սկանդալները հասունանում: Այս առումով` մտավախություն չունե՞ք, որ հաջորդ փուլում կարող է Ձեր դեմ իրավական գործընթացներ սկսվեն:

— Չգիտեմ ինչ վիճակագրություն եք վարում՝ այդպիսի եզրահանգումների հասնելու համար, ես որեւէ մտահոգություն, մտավախություն չունեմ եւ վստահ եմ, չեմ էլ ունենալու:

Այս թեմայով Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար Հայաստանի իշխանությունը ներկայացնողները դավաճանել են մի բուռ հայ ժողովրդին ու մտադիր են ոչնչացնել նրան Մենք այս պետությանը պետք չենք․ Անահիտ Մարտիրոսյան «Դաբրոներ են» տվել Փաշինյանի աշխատակազմի նախկին ղեկավար Հարությունյանը, առողջապահության ոլորտը «վարած-ցանած» նախկին նախարար Արսեն Թորոսյանը, Կոտայքի մարզպետ Ահարոն Սահակյանն ու ՏԿԵ նախարար Դավիթ Խուդաթյանը