Հայտնի է 2024 թվականի գարնան հիմնական զգեստի ոճը

Եղանակային պայմանները դեռ ամեն ինչ անում են, որպեսզի չհավատանք, որ գարունը մոտ է (այո, հենց վաղը): Բայց մենք ուրախ ենք ձեզ հիշեցնել այդ մասին. այն պահը մոտ է, երբ վերարկուներերը կփոխարինվեն թրեչներով ու բաճկոններով, իսկ մի քանի շերտ սվիտերները՝ զգեստներով:

Մոդելը, որը խոստանում է դառնալ ամենահայտնին առաջիկա մի քանի ամիսների ընթացքում (և գուցե ավելի երկար), արդեն հայտնի է։ Ոճաբաններն ու նորաձեւության խմբագիրները մեծ ժողովրդականություն են կանխատեսում 2000-ականների մոդելի համար։ Ճիշտ է, դա բավականին չեզոք է. խոսքը մեկ ուսանի զգեստի մասին է:

Մերկ ուսերով թրենդն անսպասելիորեն հայտնվեց ձմռանը: Բայց սա գլոբալ միտում է, որը հաստատ երկար կմնա մեզ հետ։ Մեկ ուսանի զգեստների հաղթական վերադարձն այս միտումի արտացոլումն է:

Ասիմետրիկ կտրվածքներով զգեստի վերադարձի համար ամեն ինչ արեցին հայտնի մոդելները։ Ընդ որում՝ շատ տարբեր ոճերով՝ Դուա Լիպա, Մեգան Մարքլ, Ալեքսա Չունգ և Բլեյք Լայվլի։

Այս նրբագեղ և համարձակ կտրվածքը կգրավի նորաձևության հետևորդների սրտերը ուրվագծի իր բարդ խաղով՝ կերպարին տալով յուրօրինակ հմայք և նրբագեղություն նույնիսկ առանց լրացուցիչ պարագաների:

Այսօր 2000-ականների թրենդն իր վերածնունդն է ապրում՝ շնորհիվ ոչ միայն նորաձևություն վերադարձած կանացիության, այլև բազմակողմանիության շնորհիվ:

Ինչպե՞ս ընտրել

Ամենօրյա զգեստի հարմար նախ հարկավոր է նայել կտորին: Ատլասը, մետաքսը կամ սատինը, նույնիսկ շերտավորվածներն ավելի մեծ ազդեցության համար, պետք է թողնել երեկույթների համար: Բայց փայլատ գործվածքները, ինչպիսիք են բամբակը, կտավատը կամ ջինսը, շատ օգտակար կլինեն. դրանք կարելի է կրել և կրունկներով, և սպորտային կոշիկների հետ:

Ընտրելիս կարևոր է նաև հատուկ ուշադրություն դարձնել ոչ միայն կտորին, այլև չափսին՝ թևատակին մոտ գտնվող առաձգական ժապավենը կարող է սեղմել մաշկն ու ստեղծել անհրապույր ծալքեր։

Իսկ երկարությունը կարող է լինել բացարձակապես ցանկացած. թրենդային են թե համարձակ մինիները, թե բարդ մաքսիները:

Ինչ հագնել դրա հետ

2024 թվականի գարնան ամենանորաձև զգեստը, թեռևս, անհնար է ունիվերսալ մոդել անվանել ։ Դուք չեք կարողանա այն կրել այն ամենի հետ, ինչ ունեք ձեր զգեստապահարանում: Բայց մենք ընտրել ենք մի քանի տարբերակ.

• Որպես վերին շերտ՝ կարող եք ընտրել ծավալուն կարդիգան՝ խորը դեկոլտեով. այն կարելի է տեղաշարժել՝ մերկացնելով նաև ուսը։ Ուշադրություն դարձրեք կարճ մոդելներին՝ դրանք կընդգծեն ձեր գոտկատեղը։

• Ուղիղ ձևվածքով բաճկոնը նույնպես կաշխատի։ Այս կերպ դուք կթաքցնեք բաց ուսը, բայց ասիմետրիան տեսանելի կլինի։

• Բազային երանգների մինի մոդելները կարելի է համադրել մեկ այլ թրենդի՝ վառ զուգագուլպաների հետ (ամենահայտնի գույնն, ի դեպ, կմնա կարմիրը)։

• Կարեւոր են նաեւ աքսեսուարները՝ դրանցով կարելի է ստեղծել հետաքրքիր կերպար եւ ընդգծել ձևվածքի գեղեցկությունն ու ինքնատիպությունը։ Կարող եք ավելացնել զարդեր երկար ականջօղերի կամ մեծ ապարանջանների տեսքով։

Աղբյուր` LADYNEWS.am