Խաղաղության եւ հանգստության կարիք ունենք բոլորս. Անդրեյ Մակարեւիչ

«Մաշինա վրեմենի» լեգենդար խումբը ապրիլի 13-ին Երեւանում հանդես կգա իրենց 55-ամյակին նվիրված մեծ համերգով։ Ռոք-խմբի հիմնադիր, ղեկավար եւ երգերի հեղինակ Անդրեյ Մակարեւիչը գալիք համերգի կապակցությամբ նշել է, որ խումբը ծրագրել էր անցյալ տարի աշնանը համերգ ունենալ Հայաստանում, սակայն այն հետաձգվեց:

«Եվ երբ կազմակերպիչներն առաջարկեցին համերգի համար նոր օր ընտրել ապրիլի մեջ, որոշեցինք, որ դա անպայման լինի ապրիլի 13-ին, քանի որ այդ օրը մեր Սաշա Կուտիկովի ծննդյան օրն է, նաեւ ռոքնռոլի միջազգային օրը: Այսինքն, երկու հրաշալի առիթ՝ համերգային տուրը Հայաստանում սկսելու համար», - ընդգծել է նա:

Մակարեւիչը նշել է, որ համերգի ժամանակ նրանք, ովքեր սիրում են խմբի հին երգերը, կարող են նորից վայելել դրանք՝ երկարատեւ դադարից հետո: Իսկ նրանք, ում հետաքրքրում է այսօրվա «Մաշինա վրեմենին», առաջին անգամ հնարավորություն կունենան վերջին ալբոմներում ընդգրկված երգերը գնահատել կենդանի հնչողությամբ:

«Դրանք մենք Հայաստանում դեռ չենք կատարել: Կարծում եմ՝ բոլորի համարն էլ հետաքրքիր կլինի», - ասաց նա եւ հավաստիացրեց, որ Երեւանում խումբը կնվագի իրենց բոլոր հիթերը:

Հիշելով իր վերջին այցը Հայաստան՝ Անդրեյ Մակարևիչն ասաց, որ դա տեղի է ունեցել 2022 թվականի աշնանը՝Starmus փառատոնին մասնակցելու շրջանակներում: Փառատոնի ժամանակ նա կատարեց երկու երգ միայն կիթառի ուղեկցությամբ՝ առանց խմբի: Մակարևիչն ընդգծեց, որ փառատոնն ինքնին զարմանալի էր: Մասնավորապես ասաց, որ երաժշտության և գիտության միաձուլումը հիանալի գաղափար էր:

«Ես ու կինս մեկ-երկու ազատ օր ունեինք շրջելու Հայաստանի տեսարժան վայրերում՝ Գառնի, Գեղարդ, Էրեբունի․․․ Անհավանական տեսարան էր։ Հրաշալի ու համեղ է հայկական գինին», - կիսվեց հիշողություններով երաժիշտը։

Պատասխանելով այն հարցին, թե ինչ ուղերձ կցանկանար փոխանցել Ռուսաստանի բազմաթիվ քաղաքացիներին, որոնք հայտնի պատճառներով այսօր ապրում են Հայաստանում, Անդրեյ Մակարեւիչը ասաց. «Մենք ուղղակի կնայենք միմյանց, որովհետեւ վաղուց չենք տեսնվել…»:

Եզրափակելով զրույցը ՝ ի պատասխան հարցին թե ինչ կմաղթեր խելահեղ աշխարհում ապրող մարդկանց, հատկապես որ աշխարհի տարբեր անկյուններում այժմ մոլեգնում են պատերազմները, երաժիշտը նշել է. «Խաղաղության եւ հանգստության կարիք ունենք բոլորս»:

Այս թեմայով Ռուսաստանը կարող է հարձակվել ՆԱՏՕ-ի տարածքի վրա «ամիսների ընթացքում, այլ ոչ թե տարիների». Չեխական հակահետախուզություն Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար Ի՞նչ են քննարկել «Ուժեղ Հայաստան»-ի եւ «Հայաստան»-ի ղեկավարները «Դաբրոներ են» տվել Փաշինյանի աշխատակազմի նախկին ղեկավար Հարությունյանը, առողջապահության ոլորտը «վարած-ցանած» նախկին նախարար Արսեն Թորոսյանը, Կոտայքի մարզպետ Ահարոն Սահակյանն ու ՏԿԵ նախարար Դավիթ Խուդաթյանը Լիսկան դոկտոր-պրոֆեսոր է, Ծառուկյանն էլ՝ գրքի հեղինակ, հլը պտի պատասխան տաք. Փաշինյանը՝ կրթության որակի մասին