Թոշակս չի բավականացնում բուժմանս ծախսերը հոգալու համար. ՆԱՐԻՆԵ ՈՍԿԱՆՅԱՆ

«Իրավունքը» զրուցել է դերասանուհի ՆԱՐԻՆԵ ՈՍԿԱՆՅԱՆԻ հետ, ով հանրությանն ավելի շատ հայտնի է Պաուզա Անո բեմական անվամբ:

-Մի պահ երևացիք նկարահանման հրապարակում, ու դրանից հետո ինչո՞ւ Ձեզ չենք տեսնում:

-Այո, վերջին օրերին հազիվ էի ցավս զսպում, քանի որ շատ լուրջ առողջական խնդիրներ ունեմ:

-Ի՞նչ հիվանդության դեմ եք բուժվում:

-Սրտի, շաքարային դիաբետի, թթվածնի քաղցի, երկաթի ու հեմոգլոբինի պակասի, երակների լայնացման ու նաև ոտքերիցս հոսող ջրի:

-Ձեր ստացած հաշմանդամության թոշակով կարողանո՞ւմ եք դեղորայքի գոնե մի մասը գնել:

-Իհարկե` ոչ….Ամենակարևոր դեղերը շատ թանկ են, չեմ կարողանում գնել: Հաշմանդամության թոշակս երեսունվեց հազար դրամ է, երբ որ մի ամպուլ երկաթի դեղը, որ ինձ նշանակել են, որ սրսկվեմ, քառասուն հազար դրամ է: Հինգ ասեղ նշանակել են, որ սրսկվեմ: Եթե իմ հաշմանդամության թոշակս երեսունվեց հազար դրամ է, ո՞նց գնեմ, որ սրսկվեմ:

-Եթե բուժման գինը ավելի թանկ արժե, քան հիվանդության համար տրվող գումարը, այդ դեպքում սիմվոլիկ գումարը որքանո՞վ կբավարարի ձեզ:

-Ի՞նչ սիմվոլիկ, դրանով կարողանում ես ապրել, որ մի հատ էլ բուժվե՞ս: Դա քրչոտ գումար է:

-Փորձե՞լ եք օգնության դիմել:

-Երբ ինձ վիրահատման գումար էր պետք, մեր թաղապետն օգնել է: Ու միշտ ասում է` ի՞նչ անեմ Ձեր համար: Այս վերջերս տիկտոկեր Տարոնն է օգնել, «Տանից հեռու» հաղորդաշարի հեղինակ և վարողՎարդան Սարգսյանն է նաև օգնել ինձ: Ես նրանցից շատ շնորհակալ եմ:

-Այս պահին ունե՞ք օգնող:

-Այս պահին չունեմ օգնող: Հետո լավ, ինչքա՞ն օգնեն…Թոշակս էլ չի բավականացնում բուժմանս ծախսերը հոգալու համար:

-Իսկ պետությունն օգնե՞լ է:

-Ես չեմ էլ տեսնում, զգում, որ մենք պետություն ունենք: Դրա համար էլ երևի ես իրենց չեմ ընդունում, իրենք էլ` ինձ:

-Բեմը կարոտո՞ւմ եք:

-Շատ եմ կարոտում: Վերջին ֆիլմի պրեմիերան եղավ դեկտեմբերի 8-ին: Ցավից մեռնելով եմ նկարվել այդ ֆիլմում, հանուն նրա, որ հանդիսատեսը նոր բան ունենա նայելու: Արդեն չկարողանալով, ոտքերի ցավով, դեղեր ընդունելով, նկարվել եմ: Եթե ի վիճակի լինեմ, էլի կնկարվեմ: Քանի որ առանց բեմի իմ կյանքը տխուր ու միապաղաղ է:

ՆՈՒՆԵ ԶԱՔԱՐՅԱՆ

Այս թեմայով «Ուժեղ Հայաստանը» դառնում է գործող կուրսի «ավելի լավ կատարողի» թեկնածու, այլ ոչ թե իրական քաղաքական այլընտրանք. Կիրակոսյան Դատապարտել Վեհափառին. Փաշինյանը գնում է մի ռեկորդի, որի մասին անգամ կոմունիստները չէին երազի Նահատակ Իմամ Խամենեին մեր տարածաշրջանի բացառիկ առաջնորդներից էր. Վարդան Ոսկանյան ՇՏԱՊ. Ծառուկյանի ընտանիքին պատկանող բազմաթիվ կենդանիներ սովի են մատնվել իրավապահների գործողությունների հետևանքով Երբ կորուստն ու ցավը խլում են անգամ բառերը. «Զուլալին» հուզեց հանդիսատեսին