Չորս գյուղով չեն եզրափակվի. ԴԱՎԻԹ ՍԱՀԱԿՅԱՆՑ

«Իրավունքը» զրուցել է ՀՀ մշակույթի վաստակավոր գործիչ, ռեժիսոր, մուլտիպլիկատոր ԴԱՎԻԹ ՍԱՀԱԿՅԱՆՑԻ հետ:

-Պարոն Սահակյանց, ի՞նչ եք կարծում` խնդիրը միայն Տավուշի տարածաշրջանի չորս գյուղի հանձնո՞ւմն է:

-Կարծում եմ, այստեղ միայն չորս գյուղի հանձնումը չէ, այլ առհասարակ մեր անվտանգության հարցն է: Որովհետեւ հիմա խոսքը նույնիսկ չի գնում այդ չորս գյուղի մասին, այլ ամբողջ պաշտպանական գոտու մասին է: Ակնհայտ երեւում է, որ չորս գյուղով չեն եզրափակվի: Իզուր չէ, որ մասնագետները դրա մասին բարձրաձայնում են: Դա փաստացի ամբողջ գոտու հանձնման, դիրքերի կորցնելու մասին է: Իսկ դրանից ուղղակի կախված է մեր անվտանգությունը, լինել -չլինելը:

-Սրանով Ալիեւն իր հոխորտանքնե՞րն է ի կատար է ածում, տեսնելով, որ հեշտությամբ վերցնում է:

-Թուրքերի ագահության եւ անկշտության մասին դեռեւս մեզ պատմությունից է հայտնի: Նրանք դրանով չեն եզրափակվի եւ պահանջելու են ամեն մի զիջումից հետո նոր զիջում:

-Այդ դեպքում չէ՞ որ մենք էլ ունենք իրենց կողմից գրավյալ տարածքներ:

- Մենք խոսում ենք թուրքերի եւ թրքահպատակ մեր իշխանության մասին: Եվ հետո թուրքերը չեն էլ թողնում, որ մենք իրենցից որեւէ բան պահանջենք կամ չպահանջենք: Նրանք այսօր անում են այն, ինչ իրենք են ուզում: Ընդ որում, այսօր խելոք կատարում են այն պահանջները, որը Թուրքիան պարտադրում է:

- Իսկ այն արտահայտությունը , որտեղ ասվում է, որ մեր վարչապետը պատմական Հայաստանի վարչապետը չէ, դուք վտանգ չե՞ք տեսնում:

- Դուք նույնպես Ձեր հարցի մեջ այդ վտանգը տեսաք: Իհարկե, դա պարզից էլ պարզ է: Ի դեպ, իշխանության է եկել հենց դրա համար, որ հանձնի այս տարածաշրջանը թուրքերին: Մեր հայրենիքը հանձնելու է եւ դրանով կատարելու է Թուրքիայի երազանքը` հայերին ոչնչացնել եւ հայկական հարցը փակել: Իսկ այսօրվա մեր իշխանությունները դա խելոք կատարում են կամ գիտակցաբար, որովհետեւ իրենք էլ են նույն կարծիքին, կամ անգիտակցաբար, որին անձամբ ես չեմ հավատում:

-Իսկ մեր այն մտավորականները, ովքեր մինչեւ հիմա էլի լուռ են, նրանց մասին ի՞նչ կասեք:

-Նրանց շնորհավորում եմ…Թող շարունակեն նույն ձեւով: Մինչ օրս եթե չեն հասկացել, թե ինչ է կատարվում, ես այդ մարդկանց երբեւէ չեմ էլ հասկանա:

ՆՈՒՆԵ ԶԱՔԱՐՅԱՆ

Այս թեմայով Արարատում ծեծկռտուքի գործով կալանավորվել է Մասիսի նախկին քաղաքապետ Դավիթ Համբարձումյանի եղբայրը. Armlur Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը «Դաբրոներ են» տվել Փաշինյանի աշխատակազմի նախկին ղեկավար Հարությունյանը, առողջապահության ոլորտը «վարած-ցանած» նախկին նախարար Արսեն Թորոսյանը, Կոտայքի մարզպետ Ահարոն Սահակյանն ու ՏԿԵ նախարար Դավիթ Խուդաթյանը Դավիթ Համբարձումյանը դիմել է «Վեոլիա Ջուր» ընկերությանը բաց նամակի տեսքով Դավիթ Իշխանյանի ուղերձը , հենց ցեղասպանության ենթարկվող անձի հայի ոգեղենություն պահելու խնդրանքն էր