Ժակլին Բաղդասարյանի 27-ամյակը, խոստումն ու «Ժակո» տիկնիկները

«Եվրատեսիլ 2024» մրցույթում Հայաստանի պատվիրակ «Լադանիվա» խմբի մենակատար Ժակլին Բաղդասարյանը երեկ դարձել է 27 տարեկան՝ ծննդյան օրը սկսելով Սերգեյ Փարաջանովի թանգարանում: Լրագրողների հետ հանդիպման վայրը պատահական չէր ընտրվել. եվրատեսիլյան «Ժակո» երգի տեսահոլովակի ոգեշնչման աղբյուրն անվանի կինոռեժիսորի աշխատանքներն են:

Երգչուհին խոստովանեց՝ անում են այն, ինչ սիրում են. «Երաժշտության հարցում սահմաններ դնել պետք չէ: Մեր երգն ուրախ է ու լավ տրամադրություն է փոխանցում: Մեր խմբին սկսեցին սիրել առաջին երգով, որում տարբեր մշակույթներ եւ երաժշտություններ էինք միաձուլել, հիմա էլ շարունակում ենք այդպես աշխատել»:

Երգը Լուի Թոմասի հետ կատարեց նաեւ հանդիպման ընթացքում, իսկ ներկա աղջիկներին նվիրեցին խորհրդանշական «Ժակո» տիկնիկներ. «Ավանդույթի համաձայն՝ ժամանակին մայրերն իրենց դստրերի համար տիկնիկ են պատրաստել ու նվիրել ամուսնության ժամանակ, եւ այդ տիկնիկը յուրօրինակ զրուցակից է դարձել նրանց համար»:

https://bravo.am/news/78134