«Ես հարց չեմ տվել,մի ընդհատեք ինձ». Լեզվակռիվ` ՍԴ-ում. տեսանյութ

Սահմանադրական  դատարանում քննում են ՀԱԿ-ՀԺԿ դաշինքի դիմումը: Դաշինքը պահանջում է չեղյալ համարել ապրիլի 2-ի ընտրությունների արդյունքները:

Ինչպես երեկ, այնպես էլ այսօր լեզվակռիվ տեղի ունեցավ  դաշինքի անդամ, ՀԱԿ-ի փոխնախագահ Լեւոն Զուրաբյանի եւ ՍԴ նախագահ Գագիկ Հարությունյանի միջեւ: ՍԴ նախագահը հորդորեց կարգուկանոն պաշտպանել: Բանն այն է, որ միմյանց հաջորդելով   խոսում էին դաշինքի անդամ Լեւոն Զուրաբյանը եւ  փաստաբան Տիգրան Եգորյանը: Գագիկ Հարությունյանի խոսքով` ազատ արտահայտվելու իրավունքից պետք է օգտվել   կարգուկանոնով, ոչ թե հախուռն:

Լեզվակռիվը սրանով չավարտվեց: ՀՀ դատախազության ներկայացուցիչ Կարեն Բիշարյանի մեկնաբանությունը, թե ինչու է  ՀԱԿ-ի անդամը դատախազությանը  հանցավոր անգործության  համար մեղադրում, վրդովեցրեց Լեւոն Զուրաբյանին: «Ես հիմա ձեր հարցին կպատասխանեմ»,- ասաց  Զուրաբյանը:

«Ես Ձեզ հարց չեմ տվել»,-ասաց դատախազության ներկայացուցիչը:

«Հարց եք տվել, մի՛ ընդհատեք: Կպատասխանեմ»,- հակադարձեց  ՀԱԿ-ի փոխնախագահը:

Վերջինս ասաց, որ դատախազությունը հանցավոր անգործություն է դրսեւորել, քանի որ որպես վկա չի ներգրավել  այն ծնողներին, որոնց դպրոցի տնօրենները  սպառնացել են ու ասել` պետք է ընտրեն ՀՀԿ-ին: «Դատախազ Արթուր Դավթյանն ասում   է` ծնողների հետ խոսել ենք, եւ նրանք ասել են ` մեզ չեն սպառնացել: Սա առնվազն ծիծաղելի է»,- ասաց ՀԱԿ-ի փոխնախագահը:

 ՍԴ նախագահը հորդորեց երկու կողմերին  հստակ հարց ու պատասխանով հանդես գալ, ոչ թե հարցը կամ պատասխանն օգտագործել ելույթ ունենալու համար:

ՍՈՆԱ ԴԱՎԹՅԱՆ

Այս թեմայով TRIPP-ը աշխարհաքաղաքական ռումբ է, ՀՀ-ն միջանցք է դառնում, դաժան կախվածություն կլինի Բաքվից «Լեվ Գրուպ»-ի կորպորատիվ իրավունքի հարցերով տնօրեն, հաջողակ փաստաբան Տարոն Բաղդասարյանը նշում է իր տարեդարձը Ջորջիա Մելոնի եւ Թրամփի հեռավար վեճը սկսել է ծեր ամուսնական զույգի լեզվակռիվ հիշեցնել Հայաստանի ադրբեջանացումը սկսվում է քաղաքական համակարգի ադրբեջանացումից․ Զուրաբյան