Որքանով է հայ համայնքը ընդգրկված Վրաստանի բողոքի ցույցերին․Բացառիկ մանրամասներ է ներկայացնում Վրաստանի խորհրդարանի նախկին պատգամավոր Վան Բայբուրդը

Վրաստանում շարունակում են հետաքրիր զարգացումներ ընթանալ։ <<Օտարերկրյա գործակալների մասին>> օրենքն ընդունվեց երրորդ ընթերցմամբ` չնայած արևմուտքից եկող աննախադեպ ճնշումներին։ Օրենքի ընդունման նախօրեին Վրաստան էր ժամանել ԱՄՆ պետքարտուղարի օգնական Ջեյմս Օ՛Բրայենը և ցանկություն հայտնել Հանդիպելու Բիձինա Իվանիշվիլի հետ, բայց մերժվել։ Սա նույն Օ՛Բրայենն է, ով մեր արևմտամոլների կողմից ներկայացվում էր որպես Բայդենի ադմինիստրացիայի զորեղ խոսափող։ Ավելին, Օ՛Բրայենի համար Իվանիշվիլիի մերժումն այնքան անսպասելի էր, որ հենց Վրաստանում հրավիրել է մամուլի ասուլիս և սպառնացել երկրի նկատմամբ կիրառել տնտեսական պատժամիջոցներ։ Ներքաղաքական ինչ զարգացումներ են տեղի ունենում Վրաստանում «Իրավունքը» փորձել է հետաքրքրվել  Վրաստանի խորհրդարանի մի քանի գումարման նախկին պատգամավոր, Վրաստանի նախագահի նախկին խորհրդական, «Վրաստան» թերթի խմբագիր ՎԱՆ ԲԱՅԲՈՒՐԴԻՑ (ԲԱՅԲՈՒՐԴՅԱՆ), ով հետեւյալ իրավիճակը ներակայացրեց․

-Սկսենք նրանից, որ այդ օրենքը մեզ մոտ ներկայացվում է որպես ռուսական օրենք, բայց ռուսական հետք անգամ չկա այդ օրենքում, եթե ինքներդ էլ կարդաք, ծանոթանաք՝ կհասկանաք։ Այդ օրենքը ժողովրդավարական երկներին հարիր օրենք է, որը հորինել են 20-րդ դարի 30-ական թվականներին, պաշտպանվելով Հիտելերի սպառնալիքներից ուղղված դեմոկրատական երկրներին։ Այդ օրենքը գործում ԱՄՆ-ում, այ՛ո ՌԴ-ում եւ շատ այլ երկրներում։ Այդ օրենքի հիմնական նպատակն այն է, որ ինչ ֆիննանսական հոսքեր, որ գալիս են արտասահմանից պետք է ներկայացվեն այդ գումարների ծախսի հաշտվետվությունը մինչեւ վերջին լումման։ Իհարկե, յուրաքանչյուր ընկերություն, անհատ ձեռնարկատեր ուրախ կլինի, որ դրսից հոսող գումարները չվերարհսկվեն, ու սա նման մտածելակերպ ունեցող անձանց համար լուրջ խնդիր է։ Սա է հիմնական բողոքի ալիքի խնդիրը,  մեզ մոտ երեսուն տարի եւ ասել հասարակությունը բաժանված է երկու մասի եւ այդ ճեղքվածքը պարբերաբար սրվում է։

-Պարոն Բայբուրդ, հայ համայնքը որքանո՞վ է ընդգրկված այդ բողոքի ցույցերին։

-Հայ համայնքի ութսունհինգ տոկոսը պետության կողմն է, տասնհինգ տոկոսը, այ՛ո, երեւում են ընդդիմության շարքերում, բայց մասսայական տարածվածություն չունեն։ Եվ սա նորմալ է, որովհետեւ Վրաստանում հարգում են այլախոհությունը։ Շատերն էլ, ովքեր սկզբում մասնակցում էին  այդ ակցիաներին, այսօր հիասթափված են ակցիայի կազմակերպիչների խուլիգանական դրսեւորումներ ունեցող գործողություններից։ Այնպես որ ընդդիմադիրները իրենց գործողություններով կորցնում են իրենց էլեկտորատին։ Վրաստանի խորհրդարանական եւ արտախորհրդարանական ուժերի համար այդ օրենքը ընդամենը լավ առիթ էր քաղաքական նավը ճոճելու համար։