Այս անամոթ, ստոր իշխանավորներին մնում է հարցնել` դուք Աստծուց չե՞ք վախենում. ՀՀ վաստակավոր արտիստ

ՀՀ վաստակավոր արտիստ, երգչուհի ԳԱՅԱՆԵ ՆԵՐՍԻՍՅԱՆԻ գնահատմամբ` վեց տարի շարունակ այս հրեշավոր իշխանությունը սարսափելի հակամարդկային, հակահայկական գործողություններ է իրականացնում Հայաստանում` հայ մարդու նկատմամբ, իհարկե, կարմիր եւ սեւ բերետավորների միջոցով:

— Չկա անգամ մեկ օր, որ մենք չտեսնենք մի զազրելի գործողություն: Մի քանի օր առաջ դաժան գործողություն կատարվեց «Զվարթնոց» օդանավակայանում` Ֆրանսիայի քաղաքացի, հետաքննող եւ ռազմական լրագրող Լեո Նիկոլյանի նկատմամբ, ում կենսագրությունը լի է հայրենասիրությամբ: Այս հրեշավոր իշխանությունը նրան թույլ չի տալիս մտնել Հայաստան, ինչի համար էլ Լեո Նիկոլյանն արդեն մեկ ամսից ավել է հացադուլ է անում` գտնվելով առողջական ծանր վիճակում: Եվ այդ վիճակում գտնվող հայրենասեր հային դաժանորեն հարվածել է անվտանգության աշխատակիցը եւ որեւէ պատասխանատվության չի ենթարկվել: Այս անամոթ, ինքնասիրությունից զուրկ, ստոր իշխանավորներին մնում է հարցնել` դուք Աստծուց չե՞ք վախենում:

ՀՐԱՆՏ ՍԱՐԱՖՅԱՆ

Այս թեմայով ՔՊ-ականների մեջ չգտնվեց ինչ-որ մեկը, որ ունենար հային բնորոշ արժանապատվություն. Գայանե Ներսեսյան Որ խելքներդ չի հասնում, ծպտուն մի հանեք․ ԲԱՄԲԱՍԱՆՔ Նախկին վարչապետի ընտանիքը սգում է Այս գլխացավը առաջին լուրջ ահազանգն է. «Բժշկի մոտ» նյարդաբան Գայանե Վարդանյանն է Ով է ստում․ Ավինյանը, թե՞ Փաշինյանը