Լեհաստանում մահացած են գտել անհետ կորած երկրի ամենահարուստ բնակիչներից մեկին

Ոստիկանությունը հայտնել է, որ Լեհաստանի ամենահարուստ բնակիչներից մեկին՝ Եժի Կրզանովսկուն մահացած են գտել։

«Տեղի բնակչի որոնողական աշխատանքներն ավարտվել են։ Ժամը 1-ի սահմաններում փրկարարները հայտնաբերել են տղամարդու դին։ Հաստատված է, որ մահացածը անհետ կորած 54-ամյա տղամարդ է»,- լրագրողներին ասել է Կրոսնոյի ոստիկանության մամուլի աշխատակից Պավել Բուզինսկին։

Մահվան պատճառը դեռ չի հաղորդվում։

Հինգշաբթի օրը New Style ընկերության 54-ամյա համահիմնադիր Եժի Կրզանովսկին լքել է իր տունը Պոդկարպակի վոյևոդության Կրոստենկի Վիզնի քաղաքում և անհետացել։ Նրա որոնողական աշխատանքներին մասնակցել են ոստիկաններ, փրկարարներ, շներ և ջերմային պատկերող սարքով անօդաչու թռչող սարք:

Եժի և Ադամ Կրզանովսկի եղբայրները New Style ընկերության համահիմնադիրներն են՝ գրասենյակային կահույքի եվրոպական խոշորագույն արտադրողներից մեկը:

2016-ին գործարարին մեղադրանք է առաջադրվել կոռուպցիայի մեջ, սակայն գործն այդպես էլ չի ներկայացել դատարան։