«ՀԻՄԱՐՈՒԹՅՈՒՆ, ԱԽՄԱԽՈՒԹՅՈՒՆ». ՏԱՔՍՈՒ ՎԱՐՈՐԴՆԵՐԸ ՄԻՄՅԱՆՑ ԴԵ՞Մ ԵՆ ԴՈՒՐՍ ԵԿԵԼ. ՏԵՍԱՆՅՈՒԹ

Օրեր առաջ, կառավարության շենքի առջեւ մի խումբ տաքսու վարորդներ «Ավտովարորդների պաշտպանության լիգա» ՀԿ-ի  նախագահ Տիգրան Հովհաննիսյանի գլխավորությամբ  բողոքի ակցիա էին կազմակերպել: Նրանք իրենց պահանջները գրավոր  ներկայացրին կառավարություն: Տաքսու վարորդների պահանջներից մեկն էլ վերաբերում է կայանատեղիների խնդրին: Մինչդեռ «Քաղաքացիական դիրքորոշում» ՀԿ-ի նախագահ Գեւորգ Դոստուրյանը կարծում է, որ Երեւանի նման քաղաքում չի կարող 25.000 կայանատեղի լինել: Ամենաշատը 5000 տաքսի պետք է լինի մայրաքաղաքում: Ի պատասխան Դոստուրյանի այս հայտարարությանը, «Ավտովարորդների պաշտպանության լիգա» ՀԿ-ի  նախագահն ասել էր. «Ձեր Գեւորգ Դոստուրյանը 2007-ին լիցենզիա է հանել 200.000 դրամով: Եկել ու կանգնել է «Ռոսիա» կինոթատրոնի մատույցներում եւ ասել` պիտի առանց հերթի քշեմ: Դրանից հետո նա դարձել է ՏԿ նախարարությանը կից ՀԿ-ի նախագահ ու ամբողջ  վարորդների վրա լիցենզավորման կարգեր հաստատեց: Ամեն մի ծեծկռտուքի համար  վազում էր ոստիկանություն, տղերքի վրա գոործ էր տալիս»:

«Իրավունք»-ի հետ զրույցում Գեւորգ Դոստուրյանը հերքեց այդ ամենը. «Հիմարություն ու ախմախություն են դուրս տվել: Դա իր (նկատի ունի Տիգրան Հովհաննիսյանին-խմբ.) բնորոշ գիծն է: Սաղ իրենց ընտանիքին ճանաչում են»:

Իսկ թե ինչու նա իր գործընկերների կողքին չէր այդ օրը,  ՀԿ-ի նախագահի խոսքով` իրենք նախորդ օրն էին հավաք կազմակերպել: Բացի այդ` ամեն մեկը մտածում ու գործում է տարբեր կերպ:  Նա վստահ է`  տաքսու ոլորտի խնդիրը լիցենզիայի կարգում փոփոխություն մտցնելը կամ այն ընդհանրապես հանելը չէ, այլ տաքսիների քանակի:

Ի դեպ, տաքսու ոլորտի խնդիրներով զբաղվող «Քաղաքացիական  դիրքորոշում» ՀԿ-ի նախագահից տեղեկացանք, որ նա մեկ-երկու շաբաթ  դատի է տվել Մխիթար Օհանյան անունով մեկին, ով  Տիգրան Հովհաննիսյանի թելադրանքով  իր հասցեին ստեր էր տարածել եւ դրանք գրավոր`նամակով, ուղարկել ՏԿ նախարարություն: Նամակում նաեւ Գագիկ Բեգլարյանի անունն է շոշափվել, բայց Դոստուրյանը հավաստիացնում է` դատի է տվել իր, ոչ թե նախարարի համար:  «Պահանջում եմ ներողություն խնդրել եւ հերքել այդ ստերը: Ես չեմ էլ ճանաչում այդ մարդուն: Երեւի տաքսու վարորդ է»,- եզրափակեց  ՀԿ-ի ղեկավարը:

Հ.Գ.  Լրատվամիջոցների հրապարակումից տեղեկանում ենք, որ Մխիթար Օհանյանը  նախորդ տարի եղել է «Անհատ տաքսիների վարորդների իրավունքների պաշտպանության կենտրոն» ՀԿ-ի անդամ:

Մանրամասները` տեսանյութում: 

ՍՈՆԱ ԴԱՎԹՅԱՆ

Այս թեմայով Բաբուխանյանը բարձրացրեց Արցախի օկուպացված քաղաքների հարցը Ադրբեջանական ագրեսիայի հետևանքով Արցախն ունեցել է 220-ից ավելի զոհ Որ խելքներդ չի հասնում, ծպտուն մի հանեք․ ԲԱՄԲԱՍԱՆՔ Գերմանիայից ժամանած բժշկին թույլ չեն տվել «Երևան-Կենտրոն» ՔԿՀ-ում զննել Գագիկ Խաչատրյանին․ հայտարարություն Գագիկ Ղազինյանը հայց է ներկայացրել ԵՊՀ-ի դեմ