Երևանի սրտում՝ 25 միլիոնից ավելի դիտում․ Էռնեստ Օգաննեսյան

ժամանակակից աշխարհում սոցիալական ցանցերի ցուցանիշները կանխորոշում են արտիստների հաջողությունները։ Դրան զուգահեռ ավելի ու ավելի դժվար է դառնում պահպանել ունկնդիրների հետաքրքրքությունը թե կատարողի և թե կատարումների նկատմամբ։ Այլ կերպ ասած՝ «հիթերը դժվար են պահպանում իրենց կարգավիճակը»։

Մի երգի պատմություն, սակայն, որը կոտրում է կարծրատիպերը․ Երևանի սրտում մայրաքաղաքային ոգով ու շնչով առանձնացած «Էդ քո շատությամբ» երգը, որն նաև Spotify-ի հայկական տիրույթում ամենաշատ պահանջարկ ունեցող երգերի թոփ 5-ի պատվավոր անդամ է, շարունակում է ոչ միայն սիրված լինել, այլև մնալ Էռնեստ Օգաննեսյանի Յութուբյան ալիքի շարունակական հաջողություններ գրանցող կատարումներից մեկը։

Դեռևս 9 ամիս առաջ երգի պրեմիերան ուղեկցվեց տարբեր սոցիալական ցանցերում բուռն քննարկումներով, իսկ արդյունքում երկրպագուների «ջանքերով» այն դարձավ Տիկ Տոկի թրենդ։ Երգի դիտողականությանը աճին զուգահեռ այն շարունակում է մնալ ռադիոկայանների ամենապահաճախ հեռարձակվող երգերից մեկը։

«Ամեն երգ ունի իր պատմությունն ու իր ասելիքը․ այդ իմաստով բոլոր կատարումներս են կարևոր, որովհետև առանձին-առանձին ու միասին վերցված կերտել են իմ ուղին։ Բայց այս երգը առանձնանում է իմ սրտում որպես մարդու, ով ամուր կապով է կապված հայրենիքին, հայկական ոգուն ու մեր քաղաքային կոլորիտին» ,- մեր հետ զրույցում նշեց երգիչ Էռնեստ Օգաննեսյանը:

Երգը այս պահին ոչ միայն պահանջված է Հայաստանում, այլև նրա սահմաններից դուրս: Երգչի արտասահմանյակ մենահամերգների ժամանակ «Էտ քո շատությամբ» երգը միշտ արժանանում է «Բիս»-ի՝ ապացուցելով, որ այն իր ուրույն տեղն ունի Էռնեստի երկրպագուների երգերի թոփ եռյակում:

Մաղթելով երգչին նորանոր հաջողություններ, պետք է փաստենք, որ հեշտ չի լինելու պահպանել ու գերազանցել սեփական ցուցանիշները՝ հաճելիորեն զարմացնելով երկրպագուներին ու պահպանելով այդչափ հետաքրքրությունը իրբ երաժշտական ուղու նկատմամբ։

Հեղինակ՝ Տիգրան Ներսիսյան