Մասնագետը բացատրել է՝ ինչու չի կարելի առավոտյան արթնանալուց անմիջապես հետո սուրճ խմել

Ժամը 7։00-ին արթնանալու դեպքում սուրճ խմելու լավագույն ժամը 10։00-ն է։ Այս մասին Daily Mail-ի հետ զրույցում ասել է բժիշկ Դեբորա Լին՝ մանրամասնելով, որ այս առույգացնող ըմպելիքի գործածությունը չափազանց վաղ ժամերին կարող է բարձրացնել առանց այն էլ առավոտյան ժամերին բնական ճանապարհով բարձրացող կորտիզոլ հորմոնի մակարդակը, ինչը կվնասի օրգանիզմին։

Սուրճն օժտված է կորտիզոլի մակարդակը բարձրացնելու հատկությամբ։ Բժշկի խոսքով՝ առավոտյան այս ըմպելիքի առույգացնող ազդեցությունը կարող է ավելի շատ վնաս հասցնել օրգանիզմին, քան օգուտ՝ հանգեցնելով ինքնազգացողության վատթարացման, առաջացնելով հաճախասրտություն և բարձրացնելով տագնապի ու անհանգստության մակարդակը: Սա է պատճառը, որ սուրճը հարկավոր է խմել ժամը 10:00-ին (7:00-ին արթնանալու դեպքում) կամ արթնանալուց առնվազն 45 րոպե հետո:

Բացի այդ, սուրճը խորհուրդ չի տրվում խմել նաև չափազանց ուշ ժամերին։ Մասնագետի խոսքով՝ սուրճի վերջին բաժակը հարկավոր է խմել քնելուց առնվազն վեց ժամ առաջ։

Այս թեմայով Եղանակը Հայաստանում Պայթյուններ և հրդեհներ Բելգորոդում ուկրաինական հարձակումից հետո ԱՀԱԶԱՆԳ.Ընտանեկան բժիշկների համար ստեղծվել է այնպիսի իրավիճակ, որը հանգեցնում է ուղեգրումների սահմանափակման «Փաստ». Գագիկ Ղազինյանից «ազատվելուց» հետո լուծարվում է նաև նրա ղեկավարած մասնագիտական խորհուրդը «Ժողովուրդ». Պերմյակովի ժամանակ փողոց դուրս եկան, Շաքիի դեպքից հետո՝ լռություն