Անձրեւ. Ինչ եղանակ է սպասվում Վարդավառին

Հայ առաքելական եկեղեցու 5 տաղավար տոներից երրորդը՝ Քրիստոսի պայծառակերպության տոնը կամ ինչպես առավել հայտնի է ժողովրդի շրջանում՝ Վարդավառը, այս տարի նշվելու է հուլիսի 7-ին։

Պայծառակերպության տոնով հաստատվեց այն ճշմարտությունը, որ Հիսուսը Աստծո Որդին է: Տոնի թելադրանքն է՝ սիրել Աստծուն, լսել Նրա պատվիրանները և իրականացնել Աստծո կամքը:

Տոնի կարևոր պայմաններից է միմյանց վրա ջուր ցողելը:

Հին ժամանակներում, հատկապես երիտասարդներն առուների եզրին կամ աղբյուրների մոտ հավաքվելով, ժամեր շարունակ ուրախ կատակներով, ճիչ ու աղմուկով ջուր էին ցողում միմյանց վրա:

Հիմա էլ շատերը տոնը նշում են ինչպես տանը, այնպես էլ քաղաքից դուրս՝ հարազատների կամ ընկերների հետ։

Չնայած նրան, որ տոնն ուրախության, երգ ու պարի տոն է, այս տարի կուղեկցվի անձրևային և սառը եղանակային պայմաններում։

Նշենք նաև, որ ՇՄՆ «Հայհիդրոմետ» ՊՈԱԿ-ը տեղեկացնում ՝ հուլիսին օդի ամսական միջին ջերմաստիճանը հանրապետության ողջ տարածքում կանխատեսվում է  նորմայից բարձր 1 աստիճանով, իսկ տեղումների քանակը նորմայից զգալի ավել։ Սպասվում է ոչ շատ շոգ և տեղումնառատ հուլիս։

Այս թեմայով Քչերը գիտեն, թե ինչու է Տավուշում Վարդավառը ավելի ուշ գալիս Վարդավառը լույսի, հաղթանակի տոն է, իսկ լույսը երբեք չի համակերպվում խավարի, կեղծիքի և անարդարության հետ Վարդավառով պայմանավորված Երեւանում կլինեն փակ փողոցներ Իրազեկում Վարդավառը Երևանում նշվելու է նոր ձևաչափով