Ավինյանը Նյուվասյուկիի ոճով

Երեւանի 9 տոկոսանոց քաղաքապետ  Տիգրան Ավինյանը հայտարարեց, որ Երեւանը դառնալու է սմարթ քաղաք, այսինքն` հայերեն ասած` խելոք քաղաք:

Մինչ Ավինյանը արտաբերում էր այդ Օստապ Բենդերին բնորոշ մտավարժանքները, արդեն երկու օր է, ինչ չի աշխատում Ազգային ժողովի մոտ գտնվող Բաղրամյան պողոտա Դեմիրճյան խաչմերուկի լուսացույցը, ստեղծելով երթեւեկության լուրջ խափանումներ: Եթե Ավինյանը հատուկ չի կարգավորում հարցը, որպեսզի նյարդայնացնի Ալենին, որը ամեն անգամ Աժ գալիս խախտում է երթեւեկության կանոնները եւ իր թանկարժեք մեքենայով եւ ուղեկցողներով խցկվում երթեւեկության մեջ:

Սակայն, ի՞նչ նպատակ է հետապնդում Ավինյանը, երբ սկզբունքորեն չի վերանորոգում Երեւանի փողոցները, որոնք ամենուրեք «զարդարված» են մեծ փոսերով: 

Բազմիցս գրվել է նաեւ Երեւանի ստորգետնյա անցումների մասին, որոնք նմանվում են կա՛մ հասարակական զուգարանի, կա՛մ արեւելյան կեղտոտ շուկայի: Բարեկամություն մետրոյի կայարանի մոտ գտնվող ստորգետնյա անցումը արդեն անցում էլ անվանել դժվար է: Առեւտրականները այնքան են լցրել իրենց ապրանքները, զբաղեցնելով անցումը, որ մարդիկ ստիպված խցկվում են մի կերպ այդ անցումով անցնելու համար: Իսկ կեղտը, հակասանիտարական վիճակը ու գարշահոտությունը այդ անցումից անպակաս են: Էլ ավելի անմխիթար ու զուգարանային վիճակում է գնտվում Մաշտոցի պողոտայի «Ձկան խանութի» մոտ գտնվող գետնանցումը: Սա իսկապես վեր է ածվել  զուգարանի, քար ու քանդ վիճակում ու սա մայրաքաղաքի ամենասրտում: Այսինքն` Ավինյանը ոչ միայն նոր ստորգետնյա անցում կառուցել ի վիճակի չէ, այլ անգամ չի կարող սովետական երանելի ժամանակներից իրեն ժառանգություն մնացած  գետնանցումները պահել քիչ թե շատ նորմալ վիճակում:

Մենք արդեն մի քանի անգամ գրել ենք Հյուսիսային պողոտայի մոտ գտնվող լքված նկուղների խնդրի մասին, որոնք ոչ միայն դարձել են աղբանոց եւ զուգարան, այլեւ վտնագավոր են անցորդների համար, քանի որ ցանկապատը վաղուց հանվել է:

Առանձին կարելի է խոսել Երեւանի փողոցների գծանշման մասին, ինչը, կա՛մ չի կատարվում, կա՛մ եթե կատարվում է, ապա օգտագործվում է ջրաներկ, որը գծանշելուց հետո հաջորդ օրը ջնջվում է: Դե, փողն էլ երեւի իրար մեջ կիսում են:

Այնպես որ Ավինյան, չենք ուզում, ո՛չ քո սմարթ, ո՛չ էլ որեւէ այլ մոդայիկ անվանմամբ քաղաք: Ուզում ենք նորմալ, մաքուր, անվտանգ Երեւան: Բայց դե դուք, նիկոլազգիներդ, դա ապահովել չեք կարող: Հետեւապես` ուզում ենք Երեւան առանց նիկոլազգիների:

Ա. Հովհաննիսյան

Այս թեմայով Մասիսի՞, թե՞ Ավինյանի գլխին են սեւ ամպեր կուտակվել ժամեր առաջ տեղեկատվական տեխնոլոգիաների ոլորտի մասնագետի է ինձ հետ կապ հաստատել, եւ փաստել, որ Ա.Հ-ն ուղարկել արհեստական բանականությամբ գեներացված իմ լուսանկարները, ինչպես նաև իմ հեռախոսահամարը ներառող կեղծ տեխնիկական տվյալներ է իրեն տրամադրել Այս տարի Էրեբունի-Երևանը տոնում ենք երկու օր․ Տիգրան Ավինյան Ինչի՞ էիք Վեհափառի աջը համբուրում ու սելֆի անում նրա հետ 2018 թվականին․ հարց՝ Փաշինյանին Չկա տենց դեպք, որ մի քաղաքացու աջակցած չլինենք ու ինքը 2-րդ, 3-րդ, 4-րդ… 8-րդ անգամ դիմած չլինի