«Ժողովուրդ». Փաշինյանը նպատակ ունի այցելել պետական գերատեսչություններ. բոլորը սրտատրոփ սպասում են «գաղտնի» այցերին

«Ժողովուրդ» օրաթերթը գրում է. ««Ժողովուրդ» օրաթերթի լավատեղյակ աղբյուրները փոխանցում են, որ Նիկոլ Փաշինյանը նպատակ ունի առաջիկա ամիսներին այցեր ունենալ նաև պետական տարբեր գերատեսչություններ: Ըստ մեր աղբյուրների` Փաշինյանը նպատակ ունի փակ հանդիպումների ժամանակ, տարբեր հարցերի միջոցով բոլոր պետական պաշտոնյաներից պարզել, թե որ կառույցի ղեկավարն է տիրապետում իր ղեկավարած ոլորտին, որը՝ ոչ: Չի բացառվում, որ այն պաշտոնյաները, որոնք Նիկոլ Փաշինյանի հարցադրումներին չեն կարողանա պատասխանել, կզրկվեն իրենց «աթոռներից»: Ի դեպ, կառավարությանը մոտ կանգնած մեր աղբյուրները փոխանցում են, որ Փաշինյանը պատրաստվում է իր այցերն անել անակնկալ, որպեսզի իրապես պարզի, թե ինչ է կատարվում տարբեր գերատեսչություններում:

Կառավարությունից չեն բացառում, որ պաշտոնանկությունները կլինեն աշնանը, քանի որ այս ընթացքում Փաշինյանը նպատակ ունի մարզեր, տարբեր կառույցներ այցելել, իսկ արդեն աշնանը որոշումներ կկայացնի` կառավարության որ կազմով պետք է հետագայում աշխատի: Ի դեպ, բոլորը սրտատրոփ սպասում են «գաղտնի» այցերին, որից հետո շատերի ճակատագիրը կորոշվի»:

Առավել մանրամասն թերթի այսօրվա համարում

Այս թեմայով Փաշինյանի տրանսֆորմացիան իրականում պայքար է այն հարցի շուրջ, թե Ռուսաստանը Հայաստանի համար լինելու է գործընկե՞ր, թե՞ համակարգային հենարան «Հրապարակ»․ Ինչ ճակատագր է սպասում Էդգար Ղազարյանին ՇՏԱՊ. Հակակոռուպցիոն կոմիտեն մտավ Աբովյանի համայնքապետարան. Բաբայան Էդոյի գործը «բուրդ է» Փաշինյանը վերջնականապես Հայաստանը դարձրեց Ռուսաստանի եւ Եվրոպայի համար մարտադաշտ «Ժողովուրդ». «Վեոլիա Ջուր»-ը պետք է հետաքրքրեր պետական մարմիններին, բայց չի հետաքրքրում