Դուրս չեն թողել իջնեմ, եթե ջղայնացած են եղել վրաս.Անի Երանյանն անկեղծացել է

Tert.am Life-ի բլից հարցերին այս անգամ պատասխանել է դերասանուհի Անի Երանյանը:

-Ձեր մանկության երազանքը:

-Մանկությանս երազանքը կատարվել է: Երազում էի դառնալ դերասանուհի:

-Ամենատպավորիչ նվերը:

-Փոքր տարիքում վախենում էի շներից և կատուներից, որովհետև վախեցրել էին: Պապիկս մի օր իր հետ տուն բերեց շատ փոքր շան ձագ` Ռալֆիկիս, առաջին շունիկիս, ում հետ մեծացանք և վախերս անցան:
Հիմա ամենաառաջինը հենց այդ նվերը մտքիս եկավ:

-Առաջին սերը:

-Մանկապարտեզում բաց մազերով, Անի : Ցավոք անունը չեմ հիշում:

-Դպրոցում ամենաչսիրած առարկան:

– ֆիզիկա և քիմիա:

-Վատ վարքի համար ծնող կանչե՞լ են:

– Ծնող կանչել են, իհարկե, բայց ավելի շատ ոչ թե վատ վարքի, այլ ազնվությունն առաջ տանելու կամ ընկերներիս գնահատականների համար կռիվ տալու պատճառով: Բայց նաև պիտի փաստեմ, որ ուսուցիչներիս կողմից շաաաաատ սիրված եմ եղել:

-Ինչպե՞ս են Ձեզ բնորոշում «ականատեսները»:

– Չգիտեմ, անկեղծ ասած, չեմ հիշում, բայց տնօրենս ասում էր, որ դպրոցի պարծանքն եմ:

-Չսիրած ուտելիքը:

-Հնդկաձավար:

-Մանկության վախերը:

-Մինչև ինչ- որ տարիք շներից և կատուներից եմ վախեցել:

-Բուլինգի ենթարկվել կամ ենթարկե՞լ եք:

-Երբեք:

-Տանը մենակ մնացե՞լ եք:

-Շատ քիչ, բայց մնացել եմ:

-Ամենադաժան պատիժը:

-Չեք հավատա, բայց ինձ վրա երբեք ոչ ձեռք են բարձրացրել , ոչ էլ պատժել են: Մաքսիմումը դուրս չեն թողել իջնեմ, եթե ջղայնացած են եղել վրաս:

-Մանկության ամենատպավորիչ դրվագը:

-Հիշում եմ, մայրիկիս հետ գնացել էինք գնումների ու աշխարհի հագուստները գնեց ինձ համար, վերջում մի տաբատ տեսա, որը այդ ժամանակ իսկապես թանկ էր, և այդքան գնումներից հետո 1 տաբատին տալ 100 դոլար հաստատ չարժեր:
Երբ վերադարձանք տուն, պապիկս աշխատանքից եկավ ու տեսավ, որ անտրամադիր եմ, իմացավ պատճառը և գնացինք տաբատիս հետևից:
Ու ես մինչ օրս այդ տաբատը պահում եմ, որովհետև շատ նորաձև էր և նոր մի բան այդ ժամանակների համար (կեսը ջինս էր, կեսը՝ ռազմական):
Իրականում ֆանտաստիկ լավ մանկություն եմ ունեցել և լավ դրվագները շատ են, բայց ցանկացա այս մեկը պատմել:

Այս թեմայով Երբ ցանկանում էի խոսել երեխայիս հետ գրական հայերենով, ստիպված էի լսել՝ «Մի՜ հաչա այդ շան լեզվով»․ Անի Օհանյան Հայտնի իրավապաշտպանը հրատապ հայտարարությամբ է հանդես եկել Առնվազն ծիծաղելի է մանկամիտներս մութ սենյակում սեւ կատու փնտրելը. հատուցումը ծանր է լինելու՝ այն սարերի հետեւում չի Բրիտանիայի համար ավելի մեծ վտանգ է ոչ թե Չինաստանը, այլ` Ռուսաստանը. MI6–ի նախկին ղեկավար Երկու տարում Մասկն ԱՄՆ ընտրությունների վրա ավելի շատ գումար է ծախսել, քան Ջորջ Սորոսն իր ողջ կյանքում