Կանանց հիգիենայի պարագաներում հայտնաբերվել են մկնդեղ, արճիճ եւ կադմիում. EnvInt

Բերքլիի Կալիֆոռնիական համալսարանի գիտնականները պարզել են, որ կանանց հիգիենիկ տակդիրները թունավոր մետաղներ են պարունակում՝ կադմիում, արճիճ եւ մկնդեղ։ Հետազոտությունը հրապարակվել է Environment International (EnvInt) գիտական ամսագրում։

Հայտնի է, որ թունավոր մետաղները բարձրացնում են տկարամտության, անպտղության, դիաբետի, քաղցկեղի եւ հղիության տարբեր բարդությունների վտանգը։ Դրանք կարող են վնասել լյարդը, երիկամները եւ ուղեղը, ինչպես նաեւ սիրտ- անոթային, նյարդային եւ էնդոկրին համակարգերը։

Հետազոտողները գնահատել են 16 մետաղների (մկնդեղ, բարիում, կալցիում, կադմիում, կոբալտ, քրոմ, պղինձ, երկաթ, մանգան, սնդիկ, նիկել, սելեն, ստրոնցիում, վանադիում եւ ցինկ) մակարդակները 14 տարբեր մակնիշների 30 տակդիրներում։

Պարզվել է, որ մետաղներն առկա են եղել բոլոր տեսակի տակդիրներում։ Ոչ մի պարագա չի ունեցել մետաղների մեծ մասի ավելի փոքր խտություն։ Արճիճի մակարդակներն ավելի բարձր են եղել ոչ օրգանական տակդիրներում, բայց մկնդեղն ավելի շատ է եղել օրգանական տեսակներում։

Գիտնականների խոսքով՝ վնասակար մետաղները կարող են տակդիրներում հայտնվել մի քանի ճանապարհով. բամբակե հումքը կարող է այդ նյութերը կլանել ջրից, օդից կամ ընդերքից մոտակա աղտոտողից (օրինակ, եթե բամբակն աճել է արճճի գործարանի կողքին)։ Կամ թույները միտումնավոր ավելացրել են արտադրության ժամանակ որպես պիգմենտ, սպիտակեցնող, հակաբակտերիալ միջոց կամ այլ բաղադրիչ։

Թիմը մտադիր է ստուգել, թե որքան թույներ կարող են տակդիրներից յուրացվել օրգանիզմում։

Այս թեմայով «Ժողովուրդ». Դավիթ Փափազյանը մեկ տարի անց դեռ չի հայտնաբերվել ՍԱՐՍԱՓ. Երևանյան խանութի մրգերի ու բանջարեղենի մեջ միջատասպան նյութի հետքեր են հայտնաբերվել Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար Որպես անհետ կորած որոնվող կնոջ դին հայտնաբերվել է Արևիկ գյուղի լճերում Ուկրաինայի պաշտպանության նախկին նախարարը կրկին կոչ է արել մոբիլիզացներ կանանց