«Մեր բակ»-ից Մադլենյանին հորդորում են զբաղվել իր գործով

«Իրավունք»-ն անդրադարձել էր, որ երգիչ-երգահան Ռիչարդ Մադլենյանը լրատվամիջոցներից մեկին տված իր հարազրույցում մասնավորապես նշել էր, թե՝ «Մեր բակը» աշխարհի ամենադեգեներատ ֆիլմերից մեկն է համարում, որը սկիզբ է դրել «անկախ Հայաստանի ֆուֆլոնային մշակույթի ձեւավորմանը»։ Հատկանշական է այն, որ թեպետ սոցցանցերում բուռն քննարկվում է Մադլենյանի խոսքերը, սակայն «Մեր բակի» հերոսներին կերտած հայտնիները, ինչպես նաեւ ֆիլմի «կնքահայրերը» հիմնականում խուսափում են հակադարձել կամ համաձայնել ասվածի հետ: Այդուհանդերձ, վերոնշյալի մասին մեզ հաջողվեց մեկնաբանություն ստանալ «Շարմ Հոլդինգ» ընկերության հիմնադիրներից մեկից` ԿԱՐԵՆ ՂԱԶԱՐՅԱՆԻՑ, ով նաեւ եղել է «Մեր բակի» դերակատարներից, իսկ այժմ Կ. Դեմիրճյանի անվան Մարզահամերգաին համալիրի տնօրենն է:

«Շատ ավելի լավ կլինի, որ ամեն մարդ զբաղվի իր գործով եւ գնահատական չտա ուրիշների կատարած աշխատանքին: Ես միայն իմ կատարած աշխատանքին եմ գնահատական տալիս ու շատ գոհ եմ իմ արածներից: Բացարձակ չեմ կիսում այն կարծիքը, որ ներկայիս սերնդի վարքագիծը «Մեր բակ»-ի դաստիարակության արդյունքն է: Եթե ինչ-որ մեկին դուր չի գալիս որեւիցե բան, կարող է չդիտել, ինչպես ես եմ անում՝ հավանում եմ, դիտում եմ, լսում եմ, չեմ հավանում` չեմ դիտում, բայց նաեւ չեմ խառնվում ուրիշի արածների մեջ: Ամեն մարդ իր գնահատականը թող իր մեջ պահի: Համենայնդեպս, այդ ֆիլմով շատ մարդ ուրախացել է, պետք է դա հաշվի առնել»,- իրեն բնորոշ հանգստությամբ պատասխանեց Ղազարյանը:

Ի դեպ, թերեւս շատ ջուր ծեծած այս թեմային մեզ մնում է հիշեցնել Ռիչարդ Մադլենյանի նախկինում արված եւս մեկ աղմկոտ հայտարարություն: Նիկոլ Փաշինյանի ընտանիքին պատկանող լրատվամիջոցի սիրելի բանախոսը ժամանակին ասում էր, թե սիրով ծափահարում է վարչապետի տղային՝ Աշոտ Փաշինյանին` նրան համարելով զուսպ ու տարբերվող բոլորից: Մշակութային կուլիսներում կատակում են, թե` Աշոտ Փաշինյանին ծափահարելու մակարդակին իջած Մադլենյանը, դժվար թե, «Մեր բակ»-ին ծափահարեր:

ՆԱՆԱ ՍԱՐԳՍՅԱՆ

Այս թեմայով Նախկին վարչապետի ընտանիքը սգում է Կարևոր չի՝ Փաշինյանն ու մյուսները ինչ տեսքտով են երդվելու, մեկ ա՝ երդմնազանց են լինելու. Էդգար Ղազարյան «Չե՞ք ուզում հրաժարական տալ, որ արժանի ԱԺ նախագահ ընտրենք», «Տափակ հումոր էր, չեմ պատրաստվում» Պատկերացրեք՝ Փաշինյանն է ասում. «Երդվում եմ ծառայել Ադրբեջանին, կատարել Ալիևի ասածները» Մարիա Կարապետյանը թող ասի, թե ինչ առնչություն է ունեցել Թուրքիայի ու Ադրբեջանի հետ. Ղազարյան