Աթաթուրքի պաստառի պատճառով` երգչուհին հրաժարվել է բեմ բարձրանալ

Հույն հայտնի երգչուհի Դեսպինա Վանդին չեղարկել է Թուրքիայի Չեշմե քաղաքում կայանալիք համերգը, ինչը կոշտ քննադությունների է արժանացել և մեծ աղմուկ բարձրացրել Թուրքիայում, գրում է Ermenihaber-ը։

Երգչուհին հրաժարվել է ելույթ ունենալ՝ պատճաբանելով, որ բեմում կախված է Թուրքիայի հիմադիր Մուստաֆա Քեմալ Աթաթուրքի պաստառը և այդ երկրի դրոշը։

«Թուրքիայի դրոշով և Քեմալ Աթաթուրքի պաստառներով միջոցառմանը ելույթ ունենալը ցանկացած հույն արտիստի համար անարգանք կլինի պատմական հիշողության հանդեպ, այն էլ Թուրքիայի՝ Կիպրոս ներխուժելու 50-րդ տարելիցին»,- պարզաբանել է երգչուհին։

 Հիշեցնենք, որ 1974-ի հուլիսի 20-ին թուրքական բանակը Կիպրոսում «խաղաղություն հաստատելու» պատրվակով ներխուժել էր կղզի և օկուպացրել կղզու շուրջ 40%-ը։

Դեսպինայի թիմը խնդրել է, որպեսզի Աթաթուրքի պաստառը այլ վայր տեղափոխեն, իսկ Թուրքիայի դրոշի կողքին դնեն նաև Հունաստանի դրոշը, ինչը մերժվել է համերգի կազմակերպիչների կողմից։ Մերժմանն ի պատասխան` երգչուհին հայտարարել է. «Եթե Աթաթուրքի պաստառի տեղը չփոխվի, ես բեմ չեմ բարձրանա»։

Համերգի կազմակերպիչներն էլ իրենց հերթին նշել են. «Թուրքիայում Աթաթուրքը ժողովրդավարության խորհրդանիշն է», դրան ի պատասխան` երգչուհու գործընկերուհին չեղարկել է համերգը և հայտարարել. «Աթաթուրքն էլ ինձ համար հույնների դահիճն է»։

Այս թեմայով Անկարայի և Բաքվի հարաբերությունների վրա ազդում են արտաքին գործոններ, նրանց միջև տարաձայնություններն ակնհայտ են դարձել Այսօր ամուսնանում է երգիչ Արսեն Սաֆարյանի դուստրը՝ երգչուհի և դերասանուհի Էլեն Սաֆարյանը. տեսանյութեր Շատ քչերը գիտեն այս մասին․ ինչու տեւական ժամանակ լռեց երգիչ Մրեն Թուրք նախարարը խուսափել է Ալիևի վերաբերյալ հարցին պատասխանելուց․ «Այսքանը բավարար է» Թուրք վարորդը Գյումրիում վրաերթի է ենթարկել հետիոտնին․ տուժածը հիվանդանոցում մահացել է