Հրանտ Թոխատյանը հյուծված է, բայց՝ լիահույս

ՀՀ ժողովրդական արտիստ ՀՐԱՆՏ ԹՈԽԱՏՅԱՆԸ տեւական ժամանակ է, ինչ երկրում չէր. ունենալով առողջական խնդիրներ՝ մեկնել էր Միացիալ Նահանգներ՝ բուժման նպատակով: Օրերս հայրենիք վերադարձած Թոխատյանին այցելել է «Սրբազան պայքար» շարժման առաջնորդ Տ. Բագրատ արքեպիսկոպոս Գալստյանն ու փոխանցել իր օրհնությունը: Սոցցանցերում հրապարակված լուսանկարներից երեւում է, որ սիրված դերասանը դեռ ապաքինման փուլում է: Այդուհանդերձ, «Իրավունք»-ը փորձեց անձամբ իրենից ճշտել, թե ինչպես է եւ ինչ ունի փոխանցելու հանրությանը: Սակայն, վերջինս հրաժարվեց որեւէ խոսք ասել՝ խոստանալով, որ մոտ ապագայում կպատասխանի մեզ հուզող բոլոր հարցերին:

Պետք է նկատել, որ վերջին շրջանում Հրանտ Թոխատյանը շատ ակտիվ գործունեություն է ունեցել նաեւ քաղաքական դաշտում եւ անտարբեր չի մնացել երկրում տիրող իրավիճակի հանդեպ՝ ի տարբրություն շատ ու շատ նրա գործընկերների: Թոխատյանին կարելի էր հանդիպել ցանկացած հանրահավաքների ընթացքում, որը կազմակերպում էր ընդդիմությունը: Հաճախ հանդես է եկել խոսքով, իր գործընկերներին միասնության եւ համախմբման կոչ արել:
«Իրավունք»-ը առողջություն է ցանկանում նրան եւ սպասում խոստացած հարցազրույցին:

ՆԱՆԱ ՍԱՐԳՍՅԱՆ

Այս թեմայով Լևոն Բաղդասարյանի կողմից հնչեցված յուրաքանչյուր գնահատական ինձ համար առանձնահատուկ արժեք ունի. Հրանտ Սարաֆյանի շնորհակալական խոսքը Ոչ միայն ճանաչված լրագրող, այլ արժանի բարեկամ. Հայտնի փաստաբանի շնորհավորական ուղերձը «Իրավունքի» հայտնի լրագրողի տարեդարձին Բեմը լողավազանում, տոմսերը` սառույցի մեջ. ամառվա վերջին շաբաթը թեժ էր Հայ դերասանը՝ Dior-ի ձմեռային նոր արշավում Ռաֆայել Երանոսյանը նոր մոնոներկայացում ունի` «Ծանր ու թեթև»