ՌԴ-ում մեծ շուքով նշում են հայ ծովանկարչի ծննդյան օրը, Հայաստանում՝ լռում

Հուլիսի 29-ը հայ մեծանուն ծովանկարիչ, բարերար, Սանկտ Պետերբուրգի արվեստների ակադեմիայի պրոֆեսոր, ակադեմիկոս եւ Արվեստի կայսերական ակադեմիայի պատվավոր անդամ ՀՈՎՀԱՆՆԵՍ ԱՅՎԱԶՈՎՍԿՈՒ (Այվազյան) ծննդյան օրն է:

«Իրավունք»-ը տեղեկացավ, որ Ղրիմի հայկական համայնքը մեծ շուքով նշել է մեծն նկարչի ծննդյան 207-րդ ամյակը եւ ծաղիկներ խոնարհել Սիմֆերոպոլում Այվազովսկի եղբայրների հուշարձանի մոտ։ Իսկ Թեոդոսիա քաղաքում վերաբացվել է Այվազովսկու անվան արվեստի պատկերասրահը, ու «Պարադոքս» թատրոնը հոբելյանի առթիվ ներկայացում է բեմադրել՝ «Ծովի երգիչ Այվազովսկի»-ն: Բեմադրությունը համեմված է եղել պարային համարներով եւ խորեոգրաֆիկ լուծումներով: Ավելին՝ այս ամենով չեն ավարտվել Թեոդոսիայի ամենակարկառուն նկարչի եւ թիվ 1 պատվավոր քաղաքացուն նվիրված միջոցառումները, ով մեծագույն ներդրում է ունեցել հարազատ քաղաքի զարգացման գործում: Տեղի են ունեցել նաեւ բացօթյա այլ հիշատակի արարողություններ:

Մեզ հաջողվեց պարզել նաեւ, որ Մոսկվայում եւս նախատեսվում են միջոցառումներ՝ նվիրված Հովհ. Այվազովսկուն: Մասնավորապես՝ հայտնի «Դոստոեւսկի» գրախանութում նախատեսվում է արվեստաբան Նատալյա Կուզնեցովայի դասախոսության ժամանակ դասախոսություն՝ «Զարմանալի Այվազովսկին» խորագրով:

Իսկ ինչպե՞ս Հայաստանում նշվեց Այվազովսկու տարեդարձը, «Իրավունք»-ի փնտրտուքն ապարդյուն էր եւ պատասխանը՝ հիասթափեցնող: Համենայնդեպս, հանրային որեւէ միջոցառման, հիշատակի արարողության մասին տեղեկություններ չկան: Այնպես որ, մեզ մնում է միայն լուռ հպարտանալ հայ հանճարեղ նկարչով եւ հույս փափագել, որ կգա գուցե այն ժամանակաշրջանը, երբ վերստին կգնահատվեն իրական հանճարն ու արժեքը: Այլ ոչ թե Այվազովսկուն կհիշեն միայն ՀՀ նախագահի եւ ԱԺ նախագահի աշխատասենյակների պատերին նայելով, որտեղ, ըստ որոշ լրատվամիջոցների, հայտնվել են նրա կտավները, մինչդեռ աշխարհի տարբեր պատկերասրահներն են զարդարված նրա ծովանկարներով:

ՆԱՆԱ ՍԱՐԳՍՅԱՆ

Այս թեմայով Երբ Փաշինյանի հետ լուսանկարը «մեղք» է, իսկ նրա գովքը՝ «հումոր» Անձնական հակակրանքով ու վրեժխնդրությամբ չի բարեփոխվում ոչինչ․ Հայր Հովհաննես Հովհաննես Իշխանյանը հանդես է եկել հաջակցություն Մել Դալուզյանի Գողացել են Հովհաննավանքի և Արտաշատի Սուրբ Հովհաննես եկեղեցիների խաչերը «Ժողովուրդ». Ընտրությունների օրը Մոսկվայից ՀՀ ժամանած Հովհաննես Սահակյանին երեք ամիս չեն թողում վերադառնալ ՌԴ