45 րոպեով «մահացած» տղամարդը պատմել է տեսածի մասին

Տղամարդը, որը 45 րոպե կյանքի նշաններ չի ցուցաբերել, ուշքի է եկել բժիշկների շնորհիվ եւ պատմել տեսածի մասին։ Այս մասին գրում է Daily Star-ը:

Բուժաշխատողները գտել են Վինսենթ Թոլմանին «մահացած» այն բանից հետո, երբ նա բոդիբիլդինգի համար չստուգված հավելման չափազանց մեծ չափաբաժին է ընդունել: Բժիշկները որոշել են, որ տղամարդուն այլեւս չեն փրկի եւ դրել են դիակների համար նախատեսված պարկի մեջ։ Թոլմանը պատմել է, որ դա դիտել է որպես ռեժիսոր և նույնիսկ լսել է բժիշկների մտքերը։ Այնուհետև, ըստ տղամարդու, նա հանդիպել է Դրեյք անունով հոգևոր ուղեկցողի, որը նրան առաջնորդել է դեպի երկինք: Այնտեղ, ինչպես նշել է Թոլմանը, նա այլոց աչքերով տեսել է իր կյանքի ընթացքում արված բոլոր լավ և վատ բաները։

Թոլմանը հայտարարել է, որ երկնքում կարողացել է հասկանալ կյանքի իմաստը և գիտակցել սիրո արժևորությունը։ «Երկիրը պարզապես դպրոց է, այն միշտ պարզապես դասասենյակ է եղել և երբեք՝ ոչ դատարանի դահլիճ», - բացատրել է նա: Բացի այդ, ինչպես պնդում է տղամարդը, Դրեյքը նրան բացահայտել է տիեզերքի կառուցվածքը, որի մասին գիտելիքը հնարավոր չէ բանավոր փոխանցել։ Թոլմանը խոստովանել է, որ հետո իրեն առաջարկել են վերադառնալ ընտանիք կամ մնալ այստեղ։ Նա ընտրել է հարազատներին։

Տղամարդուն վերակենդանացրել է բժիշկներից մեկը, որը, ըստ Թոլմանի, վախենում էր կորցնել հիվանդին առաջին աշխատանքային օրը: Տղամարդը սկսել է շնչել, եւ նրան դեղորայքային կոմայի մեջ են գցել։ Նա արթնացել է միայն երեք օր անց։ Իր փորձի մասին ավելին Թոլմանը պատմել է YouTube-ում՝ Coming Home ալիքում:

Աղբյուր` Փաստինֆո

Այս թեմայով Ինչ պահանջով են առաջիկայում ակցիա իրականացնելու արցախահայերը. Փաստաբանը փակագծեր է բացում Մեդվեդևը զգուշացրել է Հայաստանի՝ «նոր Ուկրաինա» դառնալու վտագի մասին Իսրայելը զգուշացնում է Եվրոպայում ԱՄՆ ռազմաբազաների վրա հնարավոր հարձակումների մասին Պետական պաշտոնյանների աշխատավարձից ֆորմալինի հոտ է գալու. Թաղման նպաստի կրճատման հետքերով Լեհաստանը պատրաստում է ՌԴ-ի հետ պատերազմին լիարժեք պատրաստվածության մասին օրենք. Wydarzenia