«ՊԱՏԵՐԱԶՄԻ ԹԵԺ ՕՐԵՐԻՆ ԵՂԵԼ Է ԹԱԼԻՇԻ ԴԻՐՔԵՐՈՒՄ, ՀԵՐՈՍԱԲԱՐ ՊԱՅՔԱՐԵԼ ՆԵՆԳ ԹՇՆԱՄՈՒ ԴԵՄ». ԱՆՄԱՀ ՀԵՐՈՍ ՀԱՅԿ ՂՈՒՐՇՈՒԴՅԱՆ

Հուլիսի 30-ը, Արցախյան 44-օրյա ահաբեկչական պատերազմի անմահ հերոս ՀԱՅԿ ԷԴՎԱՐԴԻ ՂՈՒՐՇՈՒԴՅԱՆԻ ծննդյան օրն է, կդառնար 24 - տարեկան։ Ծնվել է 2000 թվականին, Շիրակի մարզի Մարալիկ քաղաքում։ Գերազանց առաջադիմությամբ սովորել և ավարտել է Մարալիկի թիվ 1 միջնակարգ դպրոցը։ 9 տարի սովորել է դպրոցում, ապա Մարալիկի Արհեստագործական ուսումնարանը, գերազանցության դիպլոմով ավարտել այն։Ստացել է տրանսպորտային միջոցների շահագործում որակավորում։ Անմահ հերոսի շիրիմին են այցելել հարազատներ, ընկերներ, ծաղիկներ խոնարհել ու խնկարկել։ Բոլորն են պատմում, Հայկը շատ շնորհալի, խելացի ու բանիմաց մարդ է եղել։

Հերոսի մայրը, տիկին ՀԱՍՄԻԿ ԱԲԱՋՅԱՆԸ, Iravunk. com - ի Շիրակի մարզի թղթակցի հետ զրույցում նշեց.

«Դասերին զուգահեռ, Հայկս զբաղվում էր նաև կարատեով, մասնակցել է մի շարք առաջնությունների, արժանացել բազմաթիվ մրցանակների, դիպլոմների, մեդալների։ 2019֊ի հուլիսի 15֊ին անցել է ծառայության։ Ծառայել է ԼՂՀ Մատաղիսի զորամասում։ Որդիս շատ օրինակելի զինվոր էր, հաճախ լավ, բարեխիղճ ծառայության համար ստանում էր շնորհակալագրեր ու պատվոգրեր»։

Անմահ հերոս Հայկ Ղուրշուդյանն ընտանիքի անդամներին վերջին անգամ զանգել է 2020 թվականի սեպտեմբերի 26-ին։ Պատերազմը սկսվելուց հետո, լռել են Հայկի զանգերը, ընտանիքը սպասել է որդու վերադարձին։ Պատերազմի թեժ օրերին, Հայկը եղել է Թալիշի դիրքերում, հերոսաբար պայքարելով նենգ թշնամու դեմ։ Հերոսի ծանր կորստյան բոթը հարազատներն իմացել են ամիսներ հետո միայն, դեկտեմբերի 7֊ին։ Մայրը հպարտությամբ էր պատմում հերոս որդու մասին, միևնույն ժամանակ խորը կսկիծով։ Տիկին Հասմիկը ավելացրեց. «Հայկս մեր ավագ զավակն էր, ունի 2 քույր։ Նրա երազանքն էր ընդունվել ոստիկանության ակադեմիա, ավարտել ու լավ աշխատանքի անցնել, ինչպես նաև ավելի մեծ նվաճումների հասնել սպորտի ասպարեզում, Հայկս շատ ժպտերես, անչափ բարի, բոլորին օգնության հասնող անձնավորություն էր։ Մեր ցավն այնքան մեծ է, այնքան խորը, որ նույնիսկ դուշմանիս չեմ ցանկանա նման բան»։

ՇՆՈՐՀԱՎՈՐ ԵՐԿՆԱՅԻՆ ԾՆՈՒՆԴԴ, ԱՆՄԱՀ ՀԵՐՈՍ ։ՔՈ ՍԽՐԱՆՔՆ ԱՆՄԱՀ Է, ՔՈ ԱՆՈՒՆԸ ՄԵՐ ՍՐՏԵՐՈՒՄ....

Պատրաստեց ՀՈՎՀԱՆՆԵՍ ՍԱՐԳՍՅԱՆԸ

Այս թեմայով Քոչարյանը երեք մեսիջ հղեց Արեւմուտքին․ Հայկ Բաբուխանյան Սրանից ավել էլ ի՞նչ անեն, հոգևորականներին կախե՞ն ծառից, գնդակահարե՞ն նրանց․ Հայկ Բաբուխանյան ԹՐԻՓՓ-ը Ռուսաստանի դեմ ուղղված առճակատման նախագիծ է․ Հայկ Բաբուխանյան Դուք անառակ եք, անբարո, անսիրտ, անպատիվ ծախու կենդանիներ․ Կարին Տոնոյան Էլ մեղավորներ չեմ փնտրում… Հայտնի փաստաբանը «Իրավունքի» խնդրանքով 6 տարի անց վերապրեց դաժան պատմության էջը