ՔՊ-ն նոր պատգամավոր կունենա.ով կփոխարինի Գուրգեն Արսենյանին․ «Ժողովուրդ»

«Ժողովուրդ» օրաթերթը դեռ մայիսի 31-ին հայտնել էր, որ ՀՀ Ազգային ժողովի «Քաղաքացիական պայմանագիր» խմբակցության պատգամավոր Գուրգեն Արսենյանն այս աշնանը դիվանագիտական աշխատանքի է անցնելու. սեպտեմբերին նա կնշանակվի ՌԴ-ում Հայաստանի դեսպան:

Օրենքի պահանջով՝ նա կդադարեցնի անդամակցությունը իր հիմնադրած «Միավորված աշխատանքային կուսակցությանը» եւ վայր կդնի նաև պատգամավորական մանդատը:

Այսինքն՝ աշնանային նստաշրջանին ՔՊ խմբակցությունը նոր պատգամավոր կունենա:

«Ժողովուրդ» օրաթերթը տեղեկացավ, որ ՔՊ կուսակցության հաջորդ համարը Արմենուհի Ղազարյանն է:

Վերջինիս ֆեյսբուքյան էջից տեղեկանում ենք, որ նա այժմ Կորյուն Նիկողոսյանի անվան մանկապատանեկան արվեստի կենտրոն, համայնքային ոչ առևտրային կազմակերպության (ՀՈԱԿ) ղեկավարի պաշտոնն է զբաղեցնում:

Արդեն տեւական ժամանակ է՝ փորձում ենք անձամբ նրանից ճշտել՝ վերցնելո՞ւ է մանդատը, թե՞ ոչ, սակայն նա մեր նամակներն առանց արձագանքի է թողնում:

ՔՊ կուսակցության փոխնախագահ Վահագն Ալեքսանյանն էլ ասաց, որ կուսակցության ներսում դեռեւս չեն քննարկել, թե Արսենյանի մանդատը ում են տալու»:

Մանրամասն՝ թերթի այսօրվա համարում։

Այս թեմայով Քվեարկողների շատ մեծ հոսք է, հայկական կողմն ապահովում է անվտանգությունը. ՀՀ-ում ՌԴ դեսպան ՌԴ դեսպանը այցելել է Զանգեզուրի և Ագարակի պղնձամոլիբդենային կոմբինատներ Պակիստանն առաջին անգամ դեսպան ունի Հայաստանում. նա իր հավատարմագրերն է հանձնել Խաչատուրյանին «Ժողովուրդ». Փաշինյանը ՌԴ-ում ՀՀ դեսպան է փնտրում Հայրիկի հրաշքը կգնա առաջին դասարան․ Գուրգեն Դաբաղյանը՝ դստեր կյանքի նոր փուլի մասին