Այս տարվա հունիսին Հայաստանի արտաքին առևտրաշրջանառությունը մայիսի համեմատ նվազել է

2024 թվականի առաջին կիսամյակում Հայաստանի արտաքին առևտրաշրջանառությունը երկու անգամ գերազանցել է անցյալ տարվա նույն ժամանակաշրջանի ցուցանիշը՝ կազմելով 18 մլրդ 407.3 մլն դոլար: «Արմենպրես»-ի տեղեկացմամբ՝ այդ մասին հայտնում է ՀՀ վիճակագրական կոմիտեն՝ հիմնվելով 2024 թվականի հուլիսի 16-ին ՀՀ պետական եկամուտների կոմիտեի տրամադրած տվյալներին: 

Այս տարվա հունիսին Հայաստանի արտաքին առևտրաշրջանառությունը կազմել է 2 մլրդ 27.7 մլն դոլար, ինչը 6.7 տոկոսով ցածր է մայիսի ցուցանիշից, սակայն 34.6 տոկոսով գերազանցում է 2023-ի հունիսի տվյալը: 

Ընթացիկ տարվա առաջին 6 ամիսներին Հայաստանից արտահանման ծավալներն աճել են 2.3 անգամ՝ հասնելով 7 մլրդ 927.6 մլն դոլարի: Հունիսին այն կազմել է 856.4 մլն դոլար: Դա 10.9 տոկոսով ցածր է մայիսի ծավալից, սակայն 59.9 տոկոսով շատ է, քան անցյալ տարվա հունիսին: 

2024-ի առաջին կիսամյակում ներմուծումն աճել է 86.5 տոկոսով՝ կազմելով 10 մլրդ 479.7 մլն դոլար: Հունիսի ցուցանիշը 1 մլրդ 171.3 մլն դոլար է՝ 3.5 տոկոսով ցածր մայիսի տվյալից: 2023 թվականի հունիսի համեմատ գրանցվել է 20.6 տոկոսի աճ:

Այս թեմայով Հայաստանի հետ առևտրի կրճատումից ցնցումներ չեն լինի․ ՌԴ ԱԳՆ Ոչ ոք այլևս չի ցանկանում ծովով առևտուր անել Ուկրաինայի հետ Ճիշտ ու արդյունավետ կլինի դիվերսիֆիկացումը, այլ ոչ թե ամեն գնով ցույց տան, թե Ադրբեջանի հետ առևտուր են անում ՇՏԱՊ.ԴՕԿ կուսակցության շտաբի պետ, հայտնի իրավապաշտպան Լեվոն Բաղդասարյանը զգուշացնում է՝ չզբաղվել քաղաքական առեւտրով Վտանգավոր է նախկին ռևանշիստների վերընտրությունը, անթույլատրելի է այսօրվա քաղաքական իշխանության վերընտրությունը