ՀՐԱՏԱՊ. ԱՀԿ-ն գլոբալ արտակարգ դրություն է հայտարարել mpox վիրուսի բռնկման պատճառով

Առողջապահության համաշխարհային կազմակերպությունը (ԱՀԿ) հայտարարել է Աֆրիկայում mpox վիրուսի (կապիկի ծաղիկ) տարածման հետ կապված վտանգավորության ամենաբարձր մակարդակ։ 

«Արմենպրես»-ի փոխանցմամբ՝ ԱՀԿ գլխավոր տնօրեն Թեդրոս Ադհանոմ Գեբրեյեսուսն օգոստոսի 14-ին Ժնևում կայացած մամուլի ասուլիսում հայտնել է, որ ԱՀԿ Արտակարգ իրավիճակների կոմիտեն mpox-ի նոր բռնկումը համարում է «արտակարգ իրավիճակ առողջապահության բնագավառում, որը միջազգային նշանակություն ունի»:

Նրա խոսքով՝ Բուրունդիում, Քենիայում, Ռուանդայում և Ուգանդայում, որտեղ ավելի վաղ չէր գրանցվել mpox-ի տարածում, հայտնաբերվել է վարակման 90 դեպք վիրուսի 1b տարբերակով, որը բնութագրվում է հիվանդության ավելի ծանր ընթացքով և ավելի մեծ թվով մահերի հանգեցնում, քան նախորդ տարբերակի դեպքում։ Կոնգոյի Դեմոկրատական ​​Հանրապետությունում գրանցվել է վարակման արդեն ավելի քան 14 000 դեպք, մահացել է 524 մարդ։

Ընդհանուր առմամբ, այս տարի 13 աֆրիկյան երկրում գրանցվել է mpox-ով վարակման 17 000 դեպք, ինչը 160 %-ով ավելի է, քան 2023 թ. այդ նույն ժամանակաշրջանում, գրում է Reuters-ը։

Առավել մանրամասն՝ սկզբնաղբյուր կայքում։

Այս թեմայով Սարդերը տանը հայտնվում են կոնկրետ պատճառով. այն ձեզ կզարմացնի Թրամփը հայտարարել է, որ Ռուսաստանն ու Ուկրաինան առաջին անգամ ցանկանում են վերջ դնել հակամարտությանը Թրամփը հայտարարել է Ուկրաինայի և Ռուսաստանի միջև «խոշոր գործարքի» նախապատրաստման մասին ՇՏԱՊ. Սամվել Կարապետյանի տանը արտակարգ հանդիպում է Առնվազն ծիծաղելի է մանկամիտներս մութ սենյակում սեւ կատու փնտրելը. հատուցումը ծանր է լինելու՝ այն սարերի հետեւում չի