Ռուսաստանը ՀԱՊԿ-ին չի դիմել Կուրսկի մարզում ստեղծված իրավիճակի կապակցությամբ

Ռուսաստանի Դաշնության Կուրսկի շրջանում ստեղծված իրավիճակի հետ կապված Հավաքական անվտանգության պայմանագրի կազմակերպությանը (ՀԱՊԿ) ոչ մի դիմում չի եղել, հաղորդում է կազմակերպությունը։

Կառույցը հավելել է, որ իր վերլուծական ծառայությունն աշխատում է շուրջօրյա և ուշադիր հետևում է Ռուսաստանի նշված տարածաշրջանում իրավիճակի զարգացմանը։

Ռուսաստանի Դաշնության խնդրանքի դեպքում ՀԱՊԿ-ը սահմանված ժամկետում կիրականացնի բոլոր անհրաժեշտ ընթացակարգերը, նշել են մամուլի ծառայությունից՝ ի պատասխան news.ru-ի հարցման։

Կազմակերպությունը նշել է, որ ռազմական հակամարտության անցումը ՀԱՊԿ-ի պատասխանատվության գոտուն էսկալացիայի նոր փուլ է։

«Մենք ուշադիր հետևում ենք իրավիճակի զարգացմանը և գործելու ենք կազմակերպության կանոնադրության համաձայն։ Քարտուղարությունը և Ռուսաստանի Դաշնության համապատասխան կառավարական կառույցները սովորական ռեժիմով տեղեկատվություն են փոխանակում», - ասվում է ՀԱՊԿ-ի հաղորդագրության մեջ:

ՀԱՊԿ-ում հավելել են՝ ռազմական օգնություն տրամադրելու հարցը կարող է ծագել միայն մասնակից պետության պաշտոնական խնդրանքի դեպքում։

Այս թեմայով ՀԱՊԿ երկրների զորախմբերը ժամանել են Ռուսաստան՝ զորավարժությունների մասնակցելու համար Երևանն ազատ է լքել ՀԱՊԿ-ը, եթե իր ազգային շահերից ելնելով այլևս անդամակցության կարիք չունի․ Պեսկով Ես շատ գոհ կլինեմ, որ ՀԱՊԿ-ը մեզ հեռացնի, ՀԱՊԿ-ի հանդեպ մեր հետաքրքրությունը սպառված է․ Փաշինյան ՀԱՊԿ-ը սպասում է Հայաստանի որոշմանը ՀԱՊԿ-ում Հայաստանին ձայնի իրավունքից զրկելու հարցը կարող է քննարկվել նոյեմբերի 11-ին. Գալուզին