«Թառափանման սուպերլուսին». այս գիշեր ականատես կլինենք երկնքում զարմանահրաշ երևույթի

Օգոստոսի 19-ին Երկի մոլորակի բնակիչները կկարողանան ականատես լինել հազվագյուտ աստղագիտական ​​երևույթի՝ «Սուպերլուսնի» և «Կապույտ լուսնի» կամ «թառափի լուսնի» համադրությանը։ Լուսինն այս գիշեր ավելի մեծ և պայծառ տեսք կունենա, քան երբևէ, հաղորդում է OTR-ը:

Սուպերլուսինն այն ժամանակաշրջանն է, երբ Լուսինը ամենամոտն է Երկրին: Այդ պահին բնական արբանյակը սովորականից ավելի մեծ և պայծառ տեսք ունի։ Օգոստոսի 19-ին, «Սուպերլուսինը» կհամընկնի «Կապույտ Լուսնի» հետ: Առանձին-առանձին այդ երևույթները պարբերաբար դիտվում են, բայց դրանք համընկնում են չափազանց հազվադեպ։

«Կապույտ լուսինը» օրացուցային ամսվա երկրորդ լիալուսինն է: Դրա անունը ոչ մի կապ չունի արբանյակի գույնի հետ։ Այս արտահայտությունը անգլերեն «Once in a Blue Moon»-ի թարգմանությունն է, որը թարգմանվում է այսպես՝ «չափազանց հազվադեպ»: Այսպիսով, «Կապույտ լուսինը» վերաբերում է մի երևույթի, որը տեղի է ունենում շատ հազվադեպ:

Օգոստոսի լիալուսինը սովորաբար կոչվում է «Թառափի լուսին»: Ինչպես գիտենք, լիալուսին անվանելու ավանդույթը գալիս է հնդկական ցեղերից, որոնք օգոստոսին Մեծ լճերում և ջրային այլ խոշոր մարմիններում թառափ էին որսում։ Այստեղից էլ գալիս է երևույթի անվանումը:

Լուսինն իր ամբողջական փուլին կհասնի երկուշաբթի՝ օգոստոսի 19-ին, Երևանի ժամանակով՝ 22:26-ին։ Բայց այս հետաքրքրաշարժ աստղագիտական ​​երևույթով կարելի է հիանալ նույնիսկ ավելի վաղ՝ կիրակի, և ավելի ուշ՝ երեքշաբթի գիշերը:

Այս թեմայով Մայիսը այն ամիսն է,որ պարտադրում է դուրս գալ կոմֆորտ զոնայից,այլապես ոչ մի լավ բանի պետք չի սպասել NASA-ի տիեզերագնացներով տիեզերանավը ավելի քան կես դար անց առաջին անգամ թռել է դեպի Լուսին NASA-ն նախատեսում է տիեզերագնացներ ուղարկել Լուսին մարտի սկզբին. BBC News Կյանքն առանց Լուսնի․ ինչպե՞ս կփոխվեին կլիման և եղանակը Երկրի վրա Երեկ երեկոյան Սանկտ Պետերբուրգի երկնքում նկատվել է չորս լուսին (Տեսանյութ)