Տաքսու վարորդների 75 %-ը սեպտեմբերից չի կարողանա աշխատանքի դուրս գալ

Ռուսաստանցի տաքսու վարորդների մեծ մասը (75%) սեպտեմբերից աշխատելու համար չի լրացրել անհրաժեշտ փաստաթղթերը։ «Իզվեստիան»-ն հայտնում է, որ այդ մասին ասված է Թվային հարթակի օգտատերերի «Թվային աշխարհ» միության՝ նախարարների կաբինետի ղեկավար Միխայիլ Միշուստինին ուղղված նամակում։

2023 թվականի հունիսին Պետդուման երկրորդ և երրորդ (վերջնական) ընթերցմամբ ընդունեց օրինագիծ, որը նախատեսում է Ռուսաստանում տրանսպորտային միջոցների քաղաքացիական պատասխանատվության պարտադիր ապահովագրության (OSGOP) ներդրումը։ Օրենքն ուժի մեջ կմտնի 2024 թվականի սեպտեմբերի 1-ից։ OSGOP ձեռք բերելու համար տաքսու վարորդներին անհրաժեշտ է աշխատանքի թույլտվություն: Դրա համար անհրաժեշտ է, օրինակ, մեքենան վերաներկել մարզում հաստատված գույներով և ստեղծել բեռնաթերթիկ՝ ամենօրյա բժշկական և տեխնիկական զննումների վերաբերյալ նշումներով։

Այնուամենայնիվ, միությունը նշել է, որ այս պայմանները բավարարելու համար չկան անհրաժեշտ ենթակառուցվածք, որից կարող են օգտվել ինքնազբաղված վարորդները։ Արդյունքում տաքսու վարորդների 75%-ը դեռ չի լրացրել աշխատանքի համար անհրաժեշտ փաստաթղթերը։ Առանց դրանց նրանք կհամարվեն ապօրինի աշխատողներ։ Այս կապակցությամբ կառավարությանը խնդրել են հետաձգել նոր միջոցառումների ներդրումը։

Այս թեմայով ՇՏԱՊ. Բավ է ողբաք. Հայտնի փաստաբանը հայտարարությամբ է հանդես եկել «Ժողովուրդ». Պերմյակովի ժամանակ փողոց դուրս եկան, Շաքիի դեպքից հետո՝ լռություն Երկու ֆուտբոլիստ դուրս է մնացել Հայաստանի հավաքականի հայտացուցակից «Ժողովուրդ». Փաշինյանը «բլոտ»-ում պարտվել է, դուրս եկել խաղից «Ժողովուրդ». Փաշինյանը մտադիր է դուրս գալ փողոց՝ քաղաքացիների տրամադրությունները հասկանալու համար