«ԶԻՆԱԿԻՑ ԸՆԿԵՐՆԵՐԻ ՀԵՏ 5 ԺԱՄ ՇԱՐՈՒՆԱԿ ՄԱՐՏՆՉԵԼ Է ԹՇՆԱՄՈՒ ԴԵՄ, ՀԱՍՑՆԵԼՈՎ ԶԳԱԼԻ ԿՈՐՈՒՍՏՆԵՐ ՈՒ ԸՆԿԵԼ ՀԵՐՈՍԻ ՄԱՀՈՎ». ԱՆՄԱՀ ՀԵՐՈՍ ԱԴԱՄ ՍԱՀԱԿՅԱՆ

Օգոստոսի 19-ը, Ապրիլյան քառօրյա պատերազմի անմահ հերոս, Արցախի ՊԲ զինծառայող, սերժանտ ԱԴԱՄ ՍԱՀԱԿՅԱՆԻ ծննդյան օրն էր, կդառնար 28 - տարեկան։ Եռաբլուր զինվորական պանթեոնում նրա շիրիմին են այցելել հարազատներ, ընկերներ, որդըկորույս ծնողներ, ծաղիկներ խոնարհել ու խնկարկել։ Անմահ հերոսի մայրը տիկին ԳԱՅԱՆԵ ԱՆՏՈՆՅԱՆԸ, Iravunk. com -ի հետ զրույցում խորը ցավը սրտում նշեց. «Ադամս 2002 թվականից սովորել է Երևանի Խաչիկ Դաշտենցի անվան թիվ 114 ավագ դպրոցում, որն ավարտեց 2013֊ին։ Նույն թվականին էլ ընդունվեց Երևանի ճարտարապետության և շինարարության պետական համալսարանի ճարտարապետա֊դիզայներական ֆակուլտետը։ Զբաղվում էր սպորտով կարատեով ու ստացել էր դեղին գոտի։ Նա պարապում էր նաև մարտարվեստի այլ տեսակներով, այդ թվում բռնցքամարտով։ Որդիս ծառայության անցավ 2014/2 զորակոչով թվականին Կենտրոնի զինկոմիսարիատից։ 2015֊ի հունվարի 26֊ին զորակոչվել է բանակ։ Ծառայում էր Արցախում։ Բարձր առաջադիմության շնորհիվ ստացել էր սերժանտ զինվորական կոչում։ 2016 ֊ի ապրիլի 1֊ի լույս 2֊ի գիշերը թշնամին լայնամասշտաբ հարձակում է գործում արցախա ֊ադրբեջանական հակամարտ զորքերի շփման գծի գրեթե ամբողջ երկայնքով։ Ադամս սահմանապահ գումարտակից էր ու ապրիլի 1֊ի առավոտյան բարձրացել էր դիրքեր և նույն օրվա գիշերը ժամը 3։00֊ի սահմաններում տեղի էր ունեցել հարձակումը։ Նենգ թշնամու կողմից դիրքերի 15֊20 րոպե տևած ծանր հրետակոծությունից հետո 112 դիրքի /«Լալայկա» կոչվող բարձունք /ավագ իմ որդի Ադամի գլխավորությամբ 7 հոգուց բաղկացած սահմանապահ ուժերն անցնում են շրջանաձև պաշտպանության։ Որդիս իր զինակից ընկերների հետ 5 ժամ շարունակ մարտնչելով թշնամու դեմ, հասցնելով զգալի կորուստներ /200-ից ավելի սպանված հատուկջոկատային /, ընկնում է հերոսի մահով, առավոտյան ժամը 8։00֊ի սահմաններում, մարմնին ու դեմքին ստացած ծանր հրազենային վիրավորումներից։ Ադամիս, թշնամու դեմ մղած 5 ֊ժամյա պայքարը հնարավորություն է տվել Ջրականի հայկական գնդին տեղակայվել ռազմաճակատի 2֊րդ գծում ու կանգնեցնել թշնամուն»։ Անմահ հերոս Ադամ Սահակյանը հետմահու արժանացել է «Մարտական ծառայության» և «Արիության» պետական մեդալների։ Երևանի համար 114 ավագ դպրոցի պատմության դասասենյակը կրում է Ադամ Սահակյանի անունը։ Երևանի, նրա հարազատ Աբովյան փողոցում տեղադրվել է հուշատախտակ։ ՇՆՈՐՀԱՎՈՐ ԵՐԿՆԱՅԻՆ ԾՆՈՒՆԴԴ, ԱՆՄԱՀ ՀԵՐՈՍ ։ՔՈ ՍԽՐԱՆՔՆ ԱՆՄԱՀ Է, ՔՈ ԱՆՈՒՆԸ ՄԵՐ ՍՐՏԵՐՈՒՄ....

Պատրաստեց ՀՈՎՀԱՆՆԵՍ ՍԱՐԳՍՅԱՆԸ

Այս թեմայով Դուք անառակ եք, անբարո, անսիրտ, անպատիվ ծախու կենդանիներ․ Կարին Տոնոյան 23 տարի Արցախի հողը գրկած ապրեցիր, տղաս… Հիմա թող հողը խաղաղությամբ գրկի քեզ․ հերոս Արտուշ Արզումանյանի մայր Կյանքից հեռացել է Ապրիլյան քառօրյա պատերազմի հերոս Ռոբերտ Աբաջյանի մայրը Զոհված զինծառայողի լուսանկարն օգտագործվել է առանց ծնողի թույլտվության. Հերոսածին մայրը ահազանգում է Ում է ալկոհոլի ազդեցության տակ հայհոյել 44-օրյա պատերազմի ժամանակ հայտնի Կանդազը