Արեւմուտքի հետքը չի մնալու, իրենց խամաճիկները մեր տարածաշրջանում չեն կայանալու. Շաքարյանց

Ըստ անկախ քաղաքագետ, վերլուծաբան ՍԵՐԳԵՅ ՇԱՔԱՐՅԱՆՑԻ` ոմանք հաճախ մոռանում են՝ թե ինչ է արել իրենց համար Արեւմուտքը: Իսկ թե ինչ է արել իրականում, «Իրավունք»-ի հետ զրույցում նա մանրամասնեց.

— Արեւմուտքը միայն նրանց գրպանները լցրել է իրենց կաշառքներով։ Կարող է նրանք լավ են ապրում, բայց իրական հայերը վատ են ապրում։ Անգամ հայերի մի մասն անտուն եւ անօթեւան է մնացել։ Հիմնական խնդիրն այն է, որ եկել են, բերել են մեր Սյունյաց մարզը դիտորդներին, որոնք ոչ մի բան չեն անում։ Ասեմ, որ բոլորը լրտեսությամբ են զբաղված՝ Ռուսաստանի եւ Իրանի դեմ։ Կարող եմ վստահեցնել, որ Արեւմուտքի հետքը չի մնալու, իրենց խամաճիկները մեր տարածաշրջանում չեն կայանալու։
Հենց սա էր նշանակում Պուտինի այցը Բաքու։

Կամ պետք է իրականությունների հետ հաշվի նստել, կամ անհետանալ Անդրկովկասյան տարածաշրջանից՝ մեկը թող գաղթի իր երազած Ամերիկան, մյուսը` իր երազների Ֆրանսիան եւ այլն: Որոշակի մարդիկ կարող են երազել եւ գնալ իրենց համար սիրելի երկրները։ Եթե մարդիկ չեն ցանկանում Անդրկովկասում ապրել՝ այս պատմական վայրում, ապա ուրիշ ճար չկա, եւ այլընտրանք էլ չկա։ Ով ցանկանում է թուրքի հետ ապրել, հենց հիմա էլ կարող է իրերը հավաքել եւ գնալ։
Մնում է հասկանանք եւ հիշենք, որ առաջին սիոնիստական պետությունն է ոչ թե Իսրայելը, այլ Քեմալական Թուրքիան եւ այդ դրույթներից պետք է հասկանանք, որ պատերազմը շատ խորն է գնում, ու դա քաղաքակրթական պատերազմ է։ Իսկ որ ասում են՝ Զանգեզուրյան միջանցք, պարզապես, հորինված է միամիտների համար, որպեսզի ասեն` ինչ սիրուն խոսքեր են։ Մենք տեսնում ենք՝ ինչպես են ստախոսության հիման վրա կառուցված կերպով խոսում։ Գլխավորն այստեղ լուրջ հանգամանքների հետ հաշվի նստելու ցանկության բացակայությունն է։ Փորձում են զոմբիացնել Հայաստանի բնակչությանը, որպեսզի նրանք ավելի շատ փող հավաքեն Արեւմուտքից եւ դա վայելեն հենց Արեւմուտքում։ Արեւմտյան խամաճիկները ձգտում ունեն փախչելու հայրենիքից դեպի եվրոպաներ, իսկ հայրենիքը հարց է՝ թե ո՞ւմ է ուզում թողնել։ Այս տարածաշրջանի իրական լիդերները եղել են Իրանը եւ Ռուսաստանը։ Այնպես որ, օրենքը կթելադրեն նույն Իրանը եւ Ռուսաստանը։

ԴԻԱՆԱ ՄԱՆՈՒԿՅԱՆ

Այս թեմայով Մեկնարկել է Ազգային ժողովի ընդդիմադիր խմբակցությունների և հասարակական-քաղաքական ուժերի ներկայացուցիչների հանդիպումը Հրատապ. Նրա ազատությունը սարերի հետեւում չէ. Հայտնի փաստաբանի հայտարարությունը Որ ուժերն են մասնակցում Կարապետյանի տան հավաքին Չմտածված հայտարարություններով հնարավոր է միայն սրել իրավիճակը.Տնտեսագիտության դոկտորը ԵՏՄ-ից դուրս գալու մասին Շախմատը միշտ եղել է իմ հետաքրքրությունների շրջանակում. Երեւանի շախմատի ֆեդերացիայի նախագահի առաջին հարցազրույցը