«Իրավունք» թերթի տպագիր համարներ

Քաղհասարակության մանդատը խլեց ՔՊ կլանը. «Ժողովուրդ»

Մամուլի տեսություն

«Ժողովուրդ» օրաթերթը գրում է․ «Օգոստոսի 30-ին տեղի ունեցավ Դատավորների ընդհանուր ժողով: Օրակարգում ուսումնական հարցերի հանձնաժողովի դատավոր չհանդիսացող երկու անդամների ընտրության հարցն էր: Քվեարկության արդյունքներով՝ ընտրվեցին Սլավիկ Թորոսյանը և Գաբրիել Պետրոսյանը։

ԻՆՉ Է ԴԱՏԱՎՈՐՆԵՐԻ ԺՈՂՈՎԸ

ԵՎ ՈՎ ԿԱՐՈՂ Է ՆԵՐԳՐԱՎՎԵԼ

Դատավորների ընդհանուր ժողովն ունի 3 հանձնաժողով՝ Գնահատման հարցերով, Էթիկայի և կարգապահական հարցերով և ուսումնական հարցերով։ Հանձնաժողովների կազմում պարտադիր նախատեսված է ոչ դատավոր անդամի մասնակցություն, որտեղ կարևոր է նաև քաղաքացիական հասարակության ներկայությունը։ Ըստ Դատական օրենսգրքի ուսումնական հարցերի հանձնաժողովի՝ դատավոր չհանդիսացող անդամ կարող է ընտրվել այն իրավաբանը, որն օժտված է բարձր մասնագիտական որակներով և ունի իրավագիտության բնագավառում գիտական աստիճան կամ մասնագիտական աշխատանքի առնվազն հինգ տարվա փորձառություն: 2020 թվականին հանձնաժողովի կազմում ոչ դատավոր անդամի պաշտոնում ընտրվել են Գաբրիել Պետրոսյանն ու Հասմիկ Հարությունյանը։

Թե ինչով է հայտնի Գաբրիել Պետրոսյանը, ինչպես են վերջինիս մասնագիտական բարձր որակները ստուգվել, պարզ չէ։

Մյուս անդամ Հասմիկ Հարությունյանը հանդիսացել է «Իրավունքների պաշտպանություն առանց սահմանների» ՀԿ իրավաբանը և քաղհասարակության ներկայացուցիչը հանձնաժողովում, վերջինս հայտնի է ոլորտային իր ակտիվ գործունեությամբ:

ԻՆՉՈՎ Է ԶԲԱՂՎԵԼ ՈՒՍՈՒՄՆԱԿԱՆ ՀԱՆՁՆԱԺՈՂՈՎԸ

Դատական համակարգի էջում տեղադրված հաշվետվություններից «Ժողովուրդ» օրաթերթը տեղեկացավ, որ հանձնաժողովը վերջին տարիներին ակտիվ գործունեություն է ծավալել միջազգային կառույցների հետ: Ընդհանուր ժողովից «Ժողովուրդ» օրաթերթին հայտնեցին, որ այդ բլոկի պատասխանատուն եղել է Հասմիկ Հարությունյանը։ 2024 թվականի օգոստոսի 30-ին տեղի ունեցած Ընդհանուր ժողովին կրկին քննարկվել է ուսումնական հարցերով հանձնաժողովում ոչ դատավոր անդամների ընտրության հարցը։ Որպես թեկնածուներ՝ կրկին առաջադրվել են Գաբրիել Պետրոսյանն ու Հասմիկ Հարությունյանը. թեկնածուների կազմում են եղել նաև թոշակի անցած դատավոր Սլավիկ Թորոսյանը, իրավաբան-գիտնական Տիգրան Խաչիկյանը, Արման Թադևոսյանը և փաստաբան Լուսինե Մկրտչյանը։ Ըստ արդյունքների՝ հանձնաժողովի անդամներ են ընտրվել նախկին դատավոր Սլավիկ Թորոսյանն ու ոչնչով աչքի չընկած Գաբրիել Պետրոսյանը։ Ի դեպ, Սլավիկ Թորոսյանը, մինչ թոշակի անցնելը, կրկին եղել է հանձնաժողովի անդամ, թե ինչ գործունեություն է կատարել, ինչով է աչքի ընկել, հայտնի չէ։

ԴԱՏԱՎՈՐԸ ՈՉ ՊԱՏՇԱՃ ՎԱՐՔԱԳԻԾ Է ԴՐՍԵՎՈՐԵԼ

Հիմա անդրադառնանք Գաբրիել Պետրոսյանին, ով, պարզվում է, նախկինում աշխատել է որպես քննիչ, իսկ հիմա անցել է թոշակի։ Թե ինչ է կատարել 4 տարի հանձնաժողովի կազմում, ինչով է հայտնի կամ ինչ հեղինակություն ունի, պարզ չէ. այստեղ կարևոր է հասկանալ, թե ով է Պետրոսյանը։ Վերջինս Արարատի մարզի դատավոր, դատարանի նախագահ Հարութ Պետրոսյանի հայրն է, ում հովանավորությամբ էլ Գաբրիել Պետրոսյանը իր համար պետական բյուջեից, փաստացի, աշխատավարձ ապահովեց:

«Ժողովուրդ» օրաթերթին լուրեր հասան, որ Հարություն Պետրոսյանը ոչ միայն զանգահարել է դատավորներին և խնդրել, համոզել, որ ձայն տան իր հորը, այլև, ինչպես «Ժողովուրդ» օրաթերթին պատմեցին ականատեսները, դատավորն Ընդհանուր ժողովին նույն քարոզարշավը շարունակել է նաև նիստերի դահլիճ տանող դռան մոտ անգամ, ինչը դատավորի վարքագծի կանոնների համատեքստում, թերևս, անընդունելի է:

Ստեղծված իրավիճակի վերաբերյալ «Ժողովուրդ» օրաթերթը անձամբ մեկնաբանություն խնդրեց դատավոր Հարություն Պետրոսյանից, ինչին ի պատասխան՝ վերջինս ասաց, որ նման բան չի եղել: Մեր այն պնդմանը, որ նա զանգահարել է դատավորների ու ավելին՝ քարոզարշավը շարունակել է նաև նիստերի դահլիճ տանող դռան մոտ, Հարություն Պետրոսյանը պնդեց, որ նման բան չի եղել:

«Ժողովուրդ» օրաթերթի հարցին, թե չի՞ ունենա մտավախություն, եթե այս ահազանգով զբաղվեն իրավապահները, դատարանի նախագահը նշեց, որ որեւէ մտավախություն չունի:

«Ժողովուրդ» օրաթերթը այս հարցով դիմեց նաեւ ԲԴԽ. ի պատասխան՝ խորհրդից հայտնեցին, թե. «ԴԱՏԱՎՈՐԻ ՊԱՀՎԱԾՔԻ ՎԵՐԱԲԵՐՅԱԼ ՔԱՂՀԱՍԱՐԱԿՈՒԹՅԱՆ ՄԱՆԴԱՏԸ ԽԼԵԼ ԵՆ»:

«Ժողովուրդ» օրաթերթը տեղեկացավ նաև, որ ժողովի ներկաները տեղում քննարկել են այն հարցը, որ Հասմիկ Հարությունյանը ոչ միայն կոնկրետ ներկայացրել է իր կատարած աշխատանքը, այլ նաև ծանոթացրել է, թե ինչ տեսակի գործողությունների անհրաժեշտություն կա, ավարտին հասցնելու ինչ ծրագրեր կան, որտեղ իր դերը էական է։ Մյուսները նման խորությամբ ծրագրեր չեն ներկայացրել: Եվ հարց է ծագում՝ ի՞նչ կարող են անել թոշակի անցած իրավաբանները հանձնաժողովում, որտեղ հսկայական աշխատանք կա միջազգային կազմակերպությունների հետ կատարելու և անգլերենի իմացության խիստ անհրաժեշտություն։ Բացի դրանից, այս իրադարձության մեջ կարևոր է նաև ուշադրություն դարձնել, որ հանձնաժողովում քաղհասարակության համար նախատեսված մանդատը, փաստացի, զավթվել է դատավորների կողմից։ Ընդհանուր ժողովն ազդակ է, որ ներսից ընթանում են կործանարար պրոցեսներ, որոնք կարող են էլ ավելի վտանգավոր դառնալ ու նոր խնդիրներ առաջացնել, քանի որ մոտ 100 դատավոր ինքնուրույն մտածել և ընտրել չի կարողանում։

ՔՊ-ԻՆ «ՍԵՐՏԱՃԱԾ» ՊԱՇՏՈՆՅԱՆԵՐԸ

Իսկ ինչ վերաբերում է Հարություն Պետրոսյանին, նա ՔՊ պատգամավոր Տրդատ Սարգսյանի օգնականի՝ ծեծի արդյունքում վնասվածքներ ստացած ու հետո մահացած փոխգնդապետի գործով դատավորն է, ով փոխել է մեղադրյալի կալանքը։ Հատկանշական է, որ Տրդատ Սարգսյանի եղբայրը՝ Դավիթ Սարգսյանը, ով հասցրել է արագացված կարգով դատավոր դառնալ, 2020 թվականին ցանկացել է ուսումնական հարցերով նույն հանձնաժողովի անդամ դառնալ, սակայն, ինչպես նշեցինք, ընտրվել էր Հասմիկ Հարությունյանը։ Ինչ կապ կա դատավոր Հարություն Պետրոսյանի, ՔՊ-ական պատգամավոր Տրդատ Սարգսյանի ու վերջինիս եղբայր Դավիթ Սարգսյանի միջև, ինչն է վերջիններիս միավորում՝ կասկածների տեղիք է տալիս։ Սակայն մի բան այս ժողովից հետո ակնհայտ է, որ Հարություն Պետրոսյանը դատավորից պահանջվող վարքագծին ոչ հարիր վարքագիծ է ցուցաբերել, ինչը, ամեն դեպքում, իրավական գնահատականի պետք է արժանանա:

Հիշեցնենք, որ Հայկուհի Հարությունյանին ՔՊ-ն ԱԺ դահլիճում նսեմացրեց ու հեռացրեց Ազգային ժողովից, հիմա էլ նրա քրոջը «մաքրեցին»….

ՔՊ-ի վրեժխնդրությունը սահմաններ չունի. եւ այդ ամենը նրա համար, որ Հայկուհի Հարությունյանը ՔՊ-ականների ունեցվածքի մասով վարույթներ էր հարուցել ԿԿՀ նախագահի պաշտոնում, ինչը նրան չներվեց»:

Մանրամասները՝ «Ժողովուրդ» օրաթերթի այսօրվա համարում։

ՈՒՂԻՂ. Նիկոլի բանանը, Ալենի ոտքերն ու ընդդիմության անձեռոցիկները. ՀԱՅԿ ԲԱԲՈԻԽԱՆՅԱՆ Նոյեմբերի 9-ի հայտարարության կատարման դեպքում Արցախը կունենայինք, ԹՐԻՓՓ-ն էլ չէր լինի․ Հայկ Բաբուխանյան ՈՒՂԻՂ. Համախմբվում են որ ի՞նչ անեն․ Հայկ Բաբուխանյան ՈՒՂԻՂ․ Ինչու իրար ծեծեցին ուժեղներն ու դուխովները․ Հայկ Բաբուխանյան Նեոնացիզմի փաստաբան «կատակասեր» Սարիկը ՇՆՈՐՀԱՎՈՐԱՆՔ Տեղի ունեցավ ՍԻՄ կուսակցության 29-րդ համաժողովը ՑԱՎԱԿՑԱԿԱՆ ՈՒՂԻՂ․ Ի՞նչ ճանճ է կծել Նիկոլին․ Հայկ Բաբուխանյան Նիկոլի Արցախից հրաժարվելը տեղի ունեցավ Եվրամիության , հատկապես Ֆրանսիայի, ճնշման ներքո Ամենագաղափարական ընդդիմությունը մենք ենք․ Հայկ Բաբուխանյան ՈՒՂԻՂ. Նիկոլը յավաշ֊յավաշ ու կհանձնի Հայաստանը. Հայկ Բաբուխանյան Սա պատերազմ է հայ հավատացյալ ժողովրդի դեմ․ Հայկ Բաբուխանյան Քոչարյանական դաշինքը ոտնահարում է ոչ միայն Ղրիմի, այլեւ Արցախի իրավունքը Սրանից ավել էլ ի՞նչ անեն, հոգևորականներին կախե՞ն ծառից, գնդակահարե՞ն նրանց․ Հայկ Բաբուխանյան Ժողովուրդ ջան, մեր երկիրը մազից է կախված, եկեք փորձենք փրկել․ Հայկ Բաբուխանյան Ժողովուրդը պետք է որոշի՝ ուզում է մնալ ԵԱՏՄ-ում, թե՞ գնալ Եվրամիություն․ Բաբուխանյան Եթե Փաշինյանը դավաճանա, ինչի՞ եք իր հետ նույն սեղանի շուրջ նստում․ Բաբուխանյան (տեսանյութ) ՀՀ-ում ստորագրահավաք է սկսվել արտաքին քաղաքական հարցով հանրաքվե անցկացնելու համար Պաշտպանենք Անկախության հռչակագրի յուրաքանչյուր տառը․ Հայկ Բաբուխանյանի կոչը կուսակցություններին Ինչ նոր իրական ընդդիմություն է ձեւավորվում ԱԺ-ից դուրս․ Բաբուխանյանը փակագծեր է բացում Հայաստանի ապագան որոշվելու է ոչ թէ ԱԺ-ում, այլ հանրաքվեով. Հայկ Բաբուխանյան Ուղիղ. Նիկոլը նորից ստացավ իր երազած ընդդիմությունը. Հայկ Բաբուխանյան ՈՒՂԻՂ. Ընդդիմության մանդատապաշտությունը Ծառուկյանին հետապնդելու ժամանա՞կ է բռնում․ Բաբուխանյան Ընտրության արդյունքները Փաշինյանի հետ պայմանավորվածության հետևանք է, կամ էլ՝ անգրագիտության